ఆస్ట్రేలియాలో 150 కాలేజీలు మూసివేత.. భారతీయ విద్యార్ధుల భవిష్యత్‌పై అనిశ్చితి

ఉన్నత చదువులు అభ్యసించి కెరీర్‌లో స్థిరపడాలని , ఎన్నో కలలతో ఆస్ట్రేలియాలో( Australia ) అడుగుపెట్టిన భారతీయ విద్యార్థుల( Indian Students ) భవిష్యత్తుపై అనిశ్చితి నెలకొంది.

ఇటీవల ఆస్ట్రేలియన్ అధికారులు దాదాపు 150 ఘోస్ట్ కాలేజీలను మూసివేయడంతో విషయం వెలుగులోకి వచ్చింది.

ఇవి విద్యార్ధులకు సాధారణ శిక్షణ, అధ్యయనాలను అందించడం లేదని రుజువు కావడంతో అధికారులు ఈ నిర్ణయం తీసుకున్నారు.దీంతో ఈ కాలేజీలలో లక్షలాది రూపాయల ఫీజు చెల్లించి అడ్మిషన్ తీసుకున్న భారతీయ విద్యార్ధుల భవిష్యత్తు గందరగోళంలో పడింది.

వీటిలో కొన్ని కళాశాలలు భారత్‌లోని పంజాబ్‌కు చెందిన ఇమ్మిగ్రేషన్ ఏజెంట్లు, స్టడీ వీసా అడ్వైజర్స్ సహ యాజమాన్యంలో ఉన్నట్లుగా దర్యాప్తులో తేలింది.దశాబ్ధాలుగా కొన్ని ప్రైవేట్ కళాశాలలు అంతర్జాతీయ విద్యార్ధులకు బ్యాక్‌డోర్ ఇమ్మిగ్రేషన్, వర్క్ పర్మిట్‌లను అందిస్తున్నాయి.

ఘోస్ట్ కాలేజీల( Ghost Colleges ) వ్యవహారం తెరపైకి రావడంతో ఆస్ట్రేలియా స్కిల్స్ అండ్ ట్రైనింగ్ మినిస్టర్ సీరియస్ అయ్యారు.తమ ప్రభుత్వ హయాంలో ఈ రంగాన్ని నిర్వీర్యం చేయడానికి, విద్యార్ధులను దోపిడీకి గురిచేసే ఎవరికీ చోటు లేదన్నారు.