స్పెషల్‌ : రక్తపు మరకకు నూరేళ్లు, డయ్యర్‌ ఎంతటి దుర్మార్ఘుడో తెలుసా, అతడి మరణం ఎలాగో తెలుసా?

భారత దేశం స్వాతంత్య్రం కోసం సుదీర్ఘ పోరాటం సాగించింది.ఎందరో మహానుభావులు స్వాతంత్య్ర ఉద్యమంలో అసువులు బాశారు.

అయితే అంత స్వాతంత్య్ర ఉద్యమంలో జలియన్‌ వాలా బాగ్‌ సంఘటన అత్యంత దారుణమైనదిగా ప్రపంచ దేశాలు, ప్రముఖులు, చరిత్ర కారులు కూడా అంటున్నారు.ఒక శాంతియుత సమావేశంకు వచ్చి బ్రిటీష్‌ సైనం జనాలపై జరిపిన కాల్పులతో వేలాది మంది చనిపోయారు, కొందరు బ్రిటీష్‌ వారి తూటాలను తప్పించుకునేందుకు అక్కడే ఉన్న బాయిలోకి కొందరు, మరి కొందరు, కాలువలోకి దూకారు.

అత్యంత దారుణమైన ఈ రక్తపు మరకకు నేటితో వంద ఏళ్లు అయ్యింది.ఇటీవలే ఇంగ్లాండ్‌ ప్రభుత్వం ఈ ఘటనపై విచారం వ్యక్తం చేస్తూ క్షమాపణలు చెప్పిన విషయం తెల్సిందే.

ఇండియా స్వాతంత్య్ర ఉద్యమంను ఉదృతం చేసిన ఈ సంఘటన బ్రిటీష్‌ వారు ఉన్నంత కాలం వారిని వెంటాడుతూనే ఉంటుంది.ఈ దురాఘతంకు పాల్పడ్డ వ్యక్తి జనరల్‌ డయ్యర్‌.

ఇంతటి దారుణంకు ఒడి గట్టినా కూడా అతడిని ఆంగ్లేయుల ప్రభుత్వ పెద్దలు అతడిపై చర్యలు తీసుకోలేదు.జలియన్‌ వాలాబాగ్‌లో అతడు చేసిన దురాగతంతో పాటు, ఇంకా అనేక రాక్షస చర్యలకు అతడు పాల్పడ్డాడు.