ఆ కంచుకోటల్లో ఈసారైనా బోణీ కొడతారా ?

వచ్చే ఎన్నికలలో గెలిచేందుకు ఏపీ అధికార పార్టీ వైసిపి( YCP ), ప్రధాన ప్రతిపక్షం టిడిపి, జనసేన, బిజెపి,( TDP, Janasena, BJP ) కూటమి చేయని ప్రయత్నం అంటూ లేదు.

వినూత్నంగా ఎన్నికల ప్రచారాలు నిర్వహిస్తూ జనాలను ఆకట్టుకునే ప్రయత్నం చేస్తూనే వస్తున్నాయి.

ప్రతి పార్టీ గెలుపు ధీమాతోనే ఉంది.టిడిపి, జనసేన, బిజెపి ఉమ్మడిగా ఎన్నికలకు వస్తుండడంతో వారిపై పైచేయి సాధించి గతం కంటే ఎక్కువ స్థానాలను దక్కించుకుని మరోసారి అధికార పీఠంపై కూర్చోవాలనే పట్టుదలతో వైసిపి ఉంది .175 స్థానాల్లోనూ గెలుస్తామనే ధీమాతో దేమాతో వైసిపి ఉండగా, టిడిపి ,జనసేన బిజెపి, కూటమి సైతం అంతకంటే ఎక్కువ ధీమాను వ్యక్తం చేస్తున్నాయి.అయితే కొన్ని నియోజకవర్గాల విషయంలో అటు వైసిపి, టిడిపి ఎన్ని ప్రయత్నాలు చేసినా గెలుపు అవకాశాలు మాత్రం అంతంత మాత్రమే అన్నట్టుగా కనిపిస్తున్నాయి.

దీనికి కారణం కొన్ని నియోజకవర్గాలు మొదటి నుంచి ఒక్కో పార్టీకి అనుకూలంగా ఉండడమే కారణం.సంక్షేమ పథకాలు ప్రజలకు పెద్ద ఎత్తున అందేలా చేసినా ,అభ్యర్థులను మార్చినా, ఎన్ని ప్రయత్నాలు చేసినా నియోజకవర్గాల్లో మాత్రం ఇతర పార్టీలకు అవకాశం దొరకడం లేదు.

అక్కడ గెలిచేందుకు ఎన్ని ప్రయత్నాలు చేస్తున్నా.దశాబ్దాలుగా ప్రయోజనం కనిపించడం లేదు.ముఖ్యంగా టిడిపి, వైసిపి లు ఈ విషయంలో ఇబ్బందులు ఎదుర్కొంటున్నాయి.

ఏపీలో కొన్ని నియోజకవర్గాలు వైసీపీకి కంచుకోటలుగా ఉండగా, మరికొన్ని నియోజకవర్గాలు టిడిపికి కంచుకోటలుగా మారాయి.ఇక్కడ వేరొకరికి అవకాశం దొరకాఫ్డం లేదు.

అయితే ఈసారి ఆ ఆనవాయితీ మారుతుందా లేదా అనేది ఆసక్తికరంగా మారింది.తెలుగుదేశం పార్టీకి పూతలపట్టు, రంపచోడవరం, రాజాం, శ్రీశైలం, నెల్లూరు రూరల్, పులివెందుల నియోజకవర్గాలు ఈ జాబితాలో ఉన్నాయి.

ఇక  టిడిపి ఆవిర్భావం తరువాత ఒకే ఒకసారి అంటే పార్టీ ఏర్పడిన తొలినాళ్లలో  విజయవాడ పశ్చిమ ,కోడుమూరు లలో విజయం దక్కింది.