కవితను అందుకే అరెస్ట్ చేయలేదా ? 

ఢిల్లీ లిక్కర్ స్కామ్ వ్యవహారంలో బీఆర్ఎస్ ఎమ్మెల్సీ కల్వకుంట్ల కవిత( kalvakuntla kavitha ) అనేక ఆరోపణలు ఎదుర్కొంటున్నారు.

ఇప్పటికే ఈ కేసులో ఈడి అధికారులు దూకుడు ప్రదర్శిస్తున్నారు.

ఢిల్లీ ఉప ముఖ్యమంత్రిగా ఉన్న మనిష్ సిసోడియా( Manish Sisodia 0 ను అరెస్ట్ చేసిన తర్వాత మరిన్ని అరెస్టులు చేశారు.ప్రస్తుతం ఈ కేసులో కవితను మూడు దఫాలుగా ఈడి అధికారులు విచారించారు.

ప్రాథమిక సాక్షాలు అన్నిటిని సిద్ధం చేసుకున్న తర్వాతనే కవితను ఈడి అధికారులు విచారణకు పిలవడంతో,  ఈ విచారణ సమయంలోనే ఆమెను అరెస్ట్ చేసే అవకాశాలు ఉన్నట్లుగా  ప్రచారం జరిగింది.దీనికి తగ్గట్లుగానే మంత్రి కేటీఆర్ , హరీష్ రావు తో పాటు , అనేకమంది మంత్రులు, పార్టీ కీలక నేతలు ఎంతోమంది ఢిల్లీలోని మకాం వేశారు.

చివరకు నిన్న ఈడి అధికారులు కవితను విచారించి వదిలిపెట్టేయడంతో,  ఇప్పటి వరకు కవితని అరెస్ట్ చేస్తారు అనే ఉత్కంఠతో ఉన్న బీఆర్ఎస్ శ్రేణులు రిలాక్స్ అయ్యాయి.