శ్రీవారి భక్తులకు హెచ్చరిక.. తిరుమల దేవస్థానం పేరుతో 52 నకిలీ వెబ్సైట్లు ఇంకా..?

ఆంధ్రప్రదేశ్ రాష్ట్రంలోని తిరుమల( Tirumala ) పుణ్యక్షేత్రానికి ప్రతి రోజు ఎన్నో లక్షల మంది భక్తులు తరలివచ్చి స్వామివారిని దర్శించుకుంటూ ఉంటారు.

ఇంకా చెప్పాలంటే ఎండాకాలంలో శ్రీవారిని దర్శించుకునే భక్తుల సంఖ్య ఇంకా పెరుగుతుందని కచ్చితంగా చెప్పవచ్చు.

అందుకోసం వేసవికాలంలో భక్తుల రద్దీ కారణంగా రోజుకు శ్రీవాణి, ప్రత్యేక ప్రవేశ దర్శనం, దివ్య దర్శనం టోకెన్లు కలిపి 55 వేల కేటాయిస్తున్నట్లు ఈవో వెల్లడించారు.సర్వదర్శనంలో రోజుకు 10 నుంచి 15 వేల మందికి మాత్రమే దర్శనం కల్పించేందుకు అవకాశం ఉంటుందని తెలిపారు.

భక్తుల సౌకర్యార్థం అన్న ప్రసాదం కాంప్లెక్స్, ప్రధాన కళ్యాణ కట్ట కాంప్లెక్స్, ఏటిసి సర్కిల్లో పాదరక్షకాలు భద్రపరిచే కేంద్రాలను ప్రారంభించామని పీఏసీ 1, 2, 3 నారాయణ గిరి క్యూలైన్లు, రాంభగీచా, సుపథం, వైకుంఠ క్యూ కాంప్లెక్స్ వద్ద కూడా ప్రారంభిస్తామని ఆయన వెల్లడించారు.అలిపిరి నడక మార్గంలో వెళ్లే భక్తులకు తిరుమలలోని భూదేవి కాంప్లెక్స్ వద్ద దివ్య దర్శనం టోకెన్లు జారీ చేస్తున్నామని వెల్లడించారు.