వీడియో: కరెంట్ షాక్‌తో కొట్టుమిట్టాడుతున్న బాలుడు.. ప్రాణాలకు తెగించి కాపాడిన రియల్ హీరో!

సమీపంలోని సీసీటీవీ కెమెరాలో ఈ మొత్తం దృశ్యం రికార్డైంది.పిల్లాడు పడిపోవడం చుట్టుపక్కల వాళ్లు చాలా మంది చూశారు.కానీ నీళ్లలో కరెంట్ ఉందేమోననే భయంతో ఎవరూ సహాయం చేయడానికి ముందుకు రాలేదు.

సరిగ్గా అప్పుడే బైక్‌పై వస్తున్న కన్నన్ తమిళసెల్వన్ (Kannan Thamizhselvan) అనే యువకుడు నీళ్లలో కదలకుండా పడి ఉన్న ఆ పిల్లాడిని గమనించాడు.మొదట జారిపడ్డాడనుకున్నాడు.దగ్గరికి వెళ్లి చూస్తే అసలు విషయం అర్థమైంది.

కన్నన్ ఆ పిల్లాడిని ముట్టుకోవడానికి ప్రయత్నించాడు.అతనికి కూడా కొద్దిగా కరెంట్ షాక్ తగిలింది.

అయినా ధైర్యం కోల్పోకుండా మళ్లీ ప్రయత్నించి ఎలాగోలా ఆ పిల్లాడిని నీళ్లలో నుంచి బయటకు లాగేశాడు.ఒక్క క్షణం కూడా ఆలస్యం చేయకుండా అక్కడే పిల్లాడికి సీపీఆర్ (CPR) చేశాడు.

వెంటనే సమీపంలోని ఆసుపత్రికి తరలించాడు.కన్నన్ అద్భుతమైన సత్వర స్పందనతో ఆ పిల్లాడు ప్రాణాపాయం నుంచి బయటపడ్డాడు.