వట్టివేరు సాగు చేసే విధానం.. ఈ మెలకువలతో ఆదాయం లక్షల్లో..!

వ్యవసాయంలో తక్కువ పెట్టుబడి అధిక దిగుబడి వచ్చే పంటలు సాగు చేయడానికి రైతులు ఆసక్తి చూపిస్తారు.

అయితే ఏ పంట వేస్తారో ఆ పంటపై పూర్తి అవగాహన ఉంటేనే అధిక దిగుబడి సాధించడానికి అవకాశం ఉంటుంది.

వ్యవసాయంపై అవగాహన ఉన్న రైతులు చాలా మంది వరి, వేరుశనగ పంటలకు ప్రత్యామ్నాయంగా వట్టివేరు పంటను ( Vattiveru )సాగు చేసి అధిక లాభాలను గడిస్తున్నారు.ఈ వట్టివేరును ఔషధాల తయారీలో ఉపయోగించడం వల్ల మార్కెట్లో ఎప్పుడు మంచి డిమాండ్ ఉంటుంది.

రైతులు పలు ఔషధ కంపెనీలతో ఒప్పందాలు కుదుర్చుకొని ఈ పంటను సాగు చేస్తున్నారు.ఈ పంటలో అధిక దిగుబడి సాధించడం కోసం ఇసుక నేలలు చాలా అనుకూలంగా ఉంటాయి.

ఒక ఎకరం విస్తీర్ణంలో సాగు చేస్తే దాదాపుగా మూడు టన్నుల వరకు పంట దిగుబడి పొందవచ్చు.మార్కెట్లో ఒక టన్ను వట్టివేరు ధర సుమారుగా రూ.1లక్ష వరకు ఉంటుంది.ఒక ఎకరం లో పంట సాగు చేయడానికి సుమారుగా రూ.1లక్ష పెట్టుబడి అవుతుంది.ఈ పంట సాగు ద్వారా పెట్టుబడి తీసేస్తే సుమారుగా రూ.2 లక్షల వరకు ఆదాయం పొందవచ్చు.