సహాయం చేసిన విజయ్ దేవరకొండ.. వైరల్ అవుతునన్ ట్రాన్స్ జెండర్ కంటతడి వీడియో!

సినిమా పరిశ్రమలో హీరోలు ఒకవైపు సినిమాలలో నటిస్తూనే మరొకవైపు బిజినెస్ రంగంలో రాణిస్తూ బాగానే డబ్బులు సంపాదిస్తూ ఉంటారు.

మరికొందరు హీరోలు గొప్ప గొప్ప సేవా కార్యక్రమాలు కూడా చేస్తూ ఉంటారు.

కొందరు హీరోలు చేసే పనులు బయటికి కనిపిస్తే మరి కొందరు మాత్రం ఇతరులకు తెలిసి తెలియకుండా ఎంతోమందికి సహాయం చేస్తూ వారి గొప్ప మనసును చాటుకుంటూ ఉంటారు.అలాంటి పనులు కేవలం కొన్ని కొన్ని అరుదైన సందర్భాలలో మాత్రమే బయటకు వస్తూ ఉంటాయి.

విజయ్ దేవరకొండ( Vijay Devarakonda ) కూడా అలాంటి పనే చేశారు.తన ఫౌండేషన్‌ ద్వారా ఎందరో జీవితాల్లో వెలుగులు నింపిన విజయ్‌ ఎప్పుడూ తను చేసిన సాయాన్ని చెప్పుకోలేదు.

అయితే తాజాగా ఆహా( Aha ) తెలుగు ఓటీటీలో ప్రసారం అవుతున్న ఇండియన్ ఐడల్ 3లో( Indian Idol 3 ) విజయ్‌ పాల్గొన్నారు.ఈ కార్యక్రమంలో పాల్గొన్న కొందరు తాము విజయ్‌ నుంచి సాయం పొందినట్లు తెలుపుతూ ఎమోషనల్‌ అయ్యారు.

విజయ్‌ సేవా కార్యక్రమాల్లోనూ ముందుంటారు.ముఖ్యంగా లాక్‌డౌన్‌లో తన ఫౌండేషన్‌ ద్వారా ఎంతో మందికి సాయం చేశారు.

పేదలకు నిత్యవసర సరకులను అందజేశారు.గత ఏడాదిలో ఖుషి సినిమా సమయంలో కూడా 100 కుటుంబాలకు లక్ష రూపాయల చొప్పున రూ.కోటి రూపాయలు అందచేసి తన మంచి మనసును చాటుకున్నారు.