చెన్నకేశవరెడ్డి సినిమాను వదులుకున్న స్టార్ హీరోయిన్ ఎవరో తెలుసా?

బాలకృష్ణ వీవీ వినాయక్ కాంబినేషన్ లో తెరకెక్కిన చెన్నకేశవరెడ్డి సినిమా బాక్సాఫీస్ వద్ద యావరేజ్ రిజల్ట్ ను అందుకున్న సంగతి తెలిసిందే.

కథ, కథనంలోని కొన్ని లోపాలు, వేగంగా సినిమాను తెరకెక్కించడం ఈ సినిమా ఫ్లాప్ రిజల్ట్ ను సొంతం చేసుకోవడానికి ఒక విధంగా కారణమయ్యాయని చెప్పవచ్చు.

అయితే ఈ సినిమాకు సంబంధించి వినాయక్ తాజాగా ఆసక్తికర విషయాలను వెల్లడించారు.చెన్నకేశవరెడ్డి సినిమాకు సౌందర్యను అడిగామని అయితే సౌందర్య ఈ సినిమాను రిజెక్ట్ చేశారని వినాయక్ వెల్లడించారు.

చెన్నకేశవ రెడ్డి సినిమా ద్వారా నేను పెద్ద హీరోను సైతం హ్యాండిల్ చేయగలననే గుర్తింపు దక్కిందని వినాయక్ చెప్పుకొచ్చారు.అయితే బాలయ్యను ఊహించని స్థాయిలో చూపించాలనే ఆలోచనతో కథ మీద కొంచెం ఫోకస్ తగ్గిందని నాకు అనిపించిందని వినాయక్ కామెంట్లు చేశారు.

ఇందులో యంగ్, ఓల్డ్ పాత్రలు ఉంటాయని చెప్పగా ఓల్డ్ పాత్రకు జోడీగా వద్దని సౌందర్య తనతో చెప్పారని వినాయక్ చెప్పుకొచ్చారు.