ఈ జైలు గురించి తెలిస్తే దాన్ని మీరు జైలు అన‌రు. స్వ‌ర్గం అంటారు తెలుసా..?

అది నార్వేలోని బాస్టాయ్ జైలు.ఈ జైలు సాధార‌ణ జైలులా ఉండ‌దు.ఎందుకంటే ఇక్క‌డ ఖైదీల‌కు చాలా స్వేచ్ఛ ఉంటుంది.

కానీ వారు పారిపోవ‌డానికి వీలుండ‌దు.అయినా అన్ని స‌దుపాయాలు ఉన్నాక ఎవ‌రు అలా చేస్తారు చెప్పండి.

ఇంత‌కీ ఈ జైలు విశేషాలేంటంటే.ఈ జైలులో ఖైదీలు పోలీసులెవరూ లేపకుండానే క్రమశిక్షణతో పొద్దునే లేస్తారు.

అందరూ వ్యాయామం చేస్తారు.కొందరు జైల్లోనే ఉన్న జిమ్‌కు వెళతారు.

కసరత్తు చేస్తారు.కండలు పెంచుతారు.

టిఫిన్‌ చేస్తారు.ఆ తర్వాత పక్కనే ఉన్న బీచ్‌కు వెళతారు.

సన్‌బాత్‌ చేస్తారు.కొందరు సముద్రంలో జలకాలాడుతారు.

పైన్‌ చెట్లను నీడన సేదతీరుతారు.ఆ తర్వాత జైలు నిబంధనల మేరకు గుర్రాలు, గొర్రెలు గాస్తారు.

వ్యవసాయ పనులు చేస్తారు.జైల్లోపలికి వెళ్లి మధ్యాహ్నం భోజనం చేస్తారు.

ఎక్కువ వరకు ఖైదీలే తమకిష్టమైన ఆహారం తామే వండుకొని తింటారు.ఇక ఈ జైల్లో ఇనుప ఊచ‌ల‌తో ఉండే కటకటాల గదులు ఉండవు.

చిన్న డబుల్‌ బెడ్‌ రూమ్‌ గదులు ఉంటాయి.ఖైదీలు తమకిష్టమైన గదుల్లో ఉండవచ్చు.

మధ్యాహ్నం కాస్త విశ్రాంతి తీసుకున్నాక మళ్లీ ఎవరి పనులకు వారు వెళతారు.సాయంత్రం బీచ్‌ ఒడ్డున బిచానా వేస్తారు.

ఆనందంగా గడుపుతారు.మళ్లీ చీకటిపడేలోగా జైలుకు వస్తారు.

రాత్రి భోజనం చేసి పడుకుంటరు.ఖైదీలు సముద్రంలో చేపలు పట్టుకోవచ్చు.

సమీపంలోని గ్రౌండ్‌కు వెళ్లి ఫుట్‌బాల్‌ ఆడొచ్చు.జైలు సిబ్బంది, కాపలా తక్కువగా ఉంటుంది.

అందుకనే ఖైదీలే ఓ కమ్యూనిటీగా జైల్లో కూడా అన్ని పనులు వంతుల వారీగా చేసుకుంటారు.ఖైదీలకంటూ ప్రత్యేక బట్టలు ఉండవు.

సొంతంగా ఎవరికిష్టమైన బట్టలు వారు కొనుక్కోవచ్చు, వాటిని వేసుకోవచ్చు.