కారు జోరు : లోక్‌సభ ఎన్నికల ఫలితాలపై రిపబ్లిక్ టీవీ సర్వే !

లోక్‌సభ ఎన్నికల్లో ఎవరు గెలుస్తారు? అనే విషయంపై అందరిలోనూ ఆసక్తి నెలకొంది.ఇప్పటికిప్పుడు తెలంగాణ రాష్ట్రంలో పార్లమెంటు ఎన్నికలు జరిగితే పరిస్థితి ఎలా ఉంటుంది? అనే దానిపై జాతీయ మీడియా రిపబ్లిక్ టీవీ తాజాగా.సర్వే నిర్వహించింది.

రిపబ్లిక్ టీవీ సర్వే ప్రకారం ఇప్పటికిప్పుడు ఎన్నికలు జరిగితే అసెంబ్లీ ఎన్నికల ఫలితాలు మళ్ళీ వస్తాయని అంచనా వేసింది.మొత్తం 17 ఎంపీ స్థానాలకు గాను టీఆర్ఎస్ 16 స్థానాలు, ఎంఐఎం ఒకటి గెలుచుకుంటాయని ఆ సర్వే తేల్చింది.

ఇక టీఆర్ఎస్ వ్యతిరేక పార్టీలన్నీ కలిసి ఏర్పడిన ప్రజా కూటమికి కూడా ఒక్క సీటు అంటే ఒక్క సీటు కూడా రాదనీ ఆ సర్వే తేల్చింది.టీఆర్ఎస్ 42.4 శాతం ఓట్లతో 16 సీట్లను, మిత్రపక్షం మజ్లిస్ 4.7 శాతం ఓట్లతో ఒక్క స్థానం సాధిస్తాయని సర్వే ఫలితాలు వెల్లడించింది.