పొట్లకాయ సాగు చేసే విధానంలో అధిక దిగుబడి కోసం మెళుకువలు..!

మల్చింగ్ విధానంలో సాగు చేస్తే.చీడపీడలను, కలుపును సులభంగా నివారించవచ్చు.విత్తనాలు విత్తిన ఒకరోజు తర్వాత నీటి తడిని అందించాలి.

ఆ తర్వాత వారం వ్యవధిలో మరోసారి తేలికపాటి నీటి తడిని అందించాలి.ఇక నేలలోని తేమ శాతాన్ని బట్టి నీటి తడులు అందించాలి.

ముఖ్యంగా పొట్లకాయ అభివృద్ధి దశలో ఉన్నప్పుడు నీటిని సమృద్ధిగా అందించాలి.పొట్లకాయ సాగుకు ముందే విత్తనాలను శుద్ధి చేయడం వల్ల పంటకు వివిధ రకాల తెగుళ్లు, చీడపీడలు ఆశించకుండా ఉంటాయి.

పందిరి విధానంలో సాగు చేస్తున్నట్లయితే ఒక్కో పాదులో కనీసం మూడు లేదా నాలుగు విత్తనాలు విత్తుకోవచ్చు.విత్తనాలు 8 నుండి పది రోజుల్లో మొలకెత్తుతాయి.

మొక్కలు పందిరి పైకి ఎక్కే విధంగా మొదటి నుండే తగిన జాగ్రత్తలు తీసుకోవాలి.పంటను ఎప్పటికప్పుడు గమనిస్తూ ఉంటూ ఏవైనా తెగులు లేదా చీడపీడలు పంటను ఆశిస్తే వెంటనే 5మి.లీ వేప నూనెలో ఒక లీటరు నీటిని కలిపి పంటకు బాగా పిచికారి చేయాలి.