అందరినీ పిలిచి ... మమ్మల్ని పిలవలేదేంటయ్యా ? 

కేంద్ర అధికార పార్టీ బిజెపి వేస్తున్న రాజకీయ అడుగులు ఎవరికి అర్థం కావడం లేదు.

కేంద్రంలో కచ్చితంగా తామే అధికారంలోకి వస్తామన్న ధీమా బిజెపి అగ్ర నేతల్లో కనిపిస్తోంది.

అయినా అన్ని విధాలుగా జాగ్రత్తలు తీసుకుంటూనే వస్తున్నారు.లోక్ సభ ఎన్నికల సమయం దగ్గరకు వచ్చిన నేపథ్యంలో,  పాత మిత్రులందరినీ ఏకం చేసి తమకు అనుకూలంగా మార్చుకునే పనుల్లో నిమగ్నమైంది .ఈ మేరకు ఎన్ డి ఏ కూటమిలో గతంలో కీలకంగా వ్యవహరించిన వారు , ప్రస్తుతం బిజెపికి అనుకూలంగా ఉన్నవారు, పొత్తు పెట్టుకున్న పార్టీ నేతలను ఢిల్లీకి పిలిచారు.అయితే ఈ పిలుపు వెనక కారణం ఏమిటనేది ఎవరికి తెలియకపోయినా, పిలవడమే గొప్ప అన్నట్లుగా కొన్ని పార్టీల అధినేతలు ఉన్నారు.

ఎన్డీఏ నిర్వహించబోతున్న సమావేశంపై రాజకీయంగా ఆసక్తి నెలకొంది.ఏపీలో బిజెపితో పొత్తు పెట్టుకున్న జనసేన అధినేత పవన్ కళ్యాణ్( Pawan kalyan ) కు ఇప్పటికే పిలుపు ఆందగా, గతంలో ఎన్డీఏలో కీలకంగా వ్యవహరించి ప్రస్తుతం బిజెపికి దూరంగా ఉంటూ , పొత్తు పెట్టుకునేందుకు ప్రయత్నాలు చేస్తున్న టిడిపి అధినేత చంద్రబాబుకు ఆహ్వానం అందకపోవడం చర్చనీయాంశం గా మారింది.