అంతరిక్షంలో చెమట, మూత్రాన్ని రీసైకిల్ చేసి వాడుకుంటున్న సునీతా విలియమ్స్..?

ఇండియన్ ఆర్జిన్ ఆస్ట్రోనాట్ సునీతా విలియమ్స్‌ ( Sunita Williams )చాలా రోజులుగా వార్తల్లో నిలుస్తున్నారు ఎందుకంటే ఆమె ఇంటర్నేషనల్ స్పేస్ సెంటర్‌లో ఇరుక్కు పోయారు.

దాదాపు ఆరు నెలలుగా ఆమె అక్కడే ఉండి పోవాల్సి వచ్చింది.

ఇంకా ఎన్ని రోజులు అక్కడే ఉండాల్సి వస్తుందో చెప్పలేని పరిస్థితి.ఆమెతో పాటు బుచ్ విల్మోర్( Butch Wilmore ) అనే మరొక ఆస్ట్రోనాట్ కూడా స్పేస్ సెంటర్లోనే ఇరుక్కుపోయారు.

వారు ప్రారంభంలో ఎనిమిది రోజుల పాటు మాత్రమే అంతరిక్షంలో ఉండాలని భావించారు కానీ, వారి బోయింగ్ స్టార్‌లైనర్ వాహనంలో సాంకేతిక సమస్యలు తలెత్తడంతో వారు ఆరు నెలలుగా అక్కడి నుంచి రాలేకపోయారు.ఈ అనుకోని పరిస్థితి వారి ఆరోగ్యం గురించి ఆందోళనలకు కారణమైంది.

తాజా ఫోటోలో సునీతా విలియమ్స్ చాలా సన్నగా కనిపించడంతో ఆమె ఆరోగ్యం గురించి పుకార్లు వచ్చాయి.అయితే ఆమె తన బరువులో ఎలాంటి మార్పు రాలేదని స్పష్టం చేశారు.

అంతరిక్షంలో గురుత్వాకర్షణ ( Gravity in space )లేకపోవడం వల్ల ఆమె శరీరంలోని ద్రవాలు ఒకచోట చేరడం వల్లనే తాను ఇలా కనిపిస్తున్నానని వివరించారు."నేను ఇంకా మునుపటిలానే ఉన్నాను" అని ఆమె ధైర్యంగా చెప్పారు.