తెలంగాణ బీజేపీ లో ఇంకా అదే నిరుత్సాహం ! 

తెలంగాణలో ఈసారి ఎలా అయినా అధికారంలోకి రావాలనే పట్టుదల బిజెపిలో కనిపిస్తున్నా,  అందుకు తగ్గట్లుగా మాత్రం ఎన్నికల ప్రచారం సాగడం లేదనే అభిప్రాయాలు వ్యక్తమవుతున్నాయి.

ఢిల్లీ నుంచి బిజెపి అగ్ర నేతలు తెలంగాణ క్యూ కడుతున్నా,  తెలంగాణ బిజెపి నేతలు మాత్రం క్షేత్రస్థాయిలో పార్టీ ని బలోపేతం చేసే విధంగానూ, పార్టీ అభ్యర్థుల తరఫున ఎన్నికల ప్రచారం నిర్వహించే విషయంలోనూ తెలంగాణ బీజేపీ కీలక నాయకులు నిర్లక్ష్యంగా ఉంటున్నారనే అభిప్రాయాలు వ్యక్తం అవుతున్నాయి.

బీఆర్ఎస్ , కాంగ్రెస్ పార్టీలు ఎన్నికల ప్రచారంలో దూసుకుపోతుండగా , బిజెపిలో మాత్రం ఆ ఉత్సాహం కనిపించడం లేదు.బీఆర్ఎస్, కాంగ్రెస్ పార్టీలకు చెందిన కీలక నాయకులంతా క్షేత్రస్థాయిలో ఎన్నికల ప్రచారం నిర్వహిస్తున్నారు.