శాస్త్రీయంగా ప్రపంచంలోనే అందమైన ముఖం ఆమెదే..

పక్కింటి అమ్మాయి మొదలుకొని హీరోయిన్ల వరకు చాలా మంది కను ముక్కు తీరును పలువురు వంక పెడుతుంటారు.

ఆమె ఎంత అందంగా ఉన్నా ముక్కు బాగోలేదని, పెదాలు లావుగా ఉన్నాయని, నొసటి భాగం పెద్దగా ఉందని, బుగ్గలు లేవని ఇలా తమకు తోచిన ఎన్నో వంకలు పెట్టేస్తుంటారు.

అయితే ఎలాంటి వంకలు లేని మహిళగా ఓ హీరోయిన్‌ను శాస్త్రవేత్తలు ప్రకటించారు.ఆమెతో పాటు అందమైన పురుషుడు కూడా ఎవరో తేల్చేశారు.

దానికి సంబంధించిన వివరాలిలా ఉన్నాయి.సాంప్రదాయ ఫేస్ మ్యాపింగ్ పద్ధతిని ఉపయోగించడం ద్వారా హాలీవుడ్ నటులు అంబర్ హర్డ్, రాబర్ట్ ప్యాటిన్సన్ ప్రపంచంలోనే అత్యంత అందమైన ముఖాలను కలిగి ఉన్నారని శాస్త్రవేత్తలు ప్రకటించారు.

లండన్‌లోని సెంటర్ ఫర్ అడ్వాన్స్‌డ్ ఫేషియల్ కాస్మెటిక్, ప్లాస్టిక్ సర్జరీకి చెందిన డాక్టర్ జూలియన్ డి సిల్వా 2016లో ప్రపంచంలో అత్యంత అందమైన ముఖం ఎవరిదో కనుగొనడానికి పురాతన ఫేస్ మ్యాపింగ్ టెక్నిక్ PHIని ఉపయోగించారు.ఆమె పరిశోధనలో నటి అంబర్ హర్డ్ ప్రపంచంలో అత్యంత అందమైన మహిళగా నిలిచింది.

ది బ్యాట్‌మ్యాన్ నటుడు రాబర్ట్ ప్యాటిన్సన్ ప్రపంచంలో అత్యంత అందమైన వ్యక్తిగా ఎంపికయ్యాడు.PHI అనేది గ్రీక్ ఫేస్ మ్యాపింగ్ టెక్నిక్.దీనిని గ్రీక్ గోల్డెన్ రేషియో ఆఫ్ బ్యూటీ 1.618 అని కూడా పిలుస్తారు.ఇది ముఖం ఎంత పరిపూర్ణంగా ఉందో లెక్కించడానికి ఉపయోగించబడుతుంది.

డాక్టర్ సిల్వా ఈ టెక్నిక్‌ని ఉపయోగించారు.ఆక్వామ్యాన్లో నటించిన అంబర్ హర్డ్ ముఖం గ్రీక్ గోల్డెన్ రేషియోకి 91.85 శాతం ఖచ్చితమైనదని కనుగొన్నారు.ఆమెను ప్రపంచంలోనే అత్యంత అందమైన మహిళగా గుర్తించారు.