ఈ వీడియోను చూస్తే ఇక‌పై మీరు ప్రైవేటు బ‌స్సులో అస్స‌లు ప్ర‌యాణం చేయ‌రు..!

గ‌తంలో ఎన్నో సంఘ‌ట‌న‌ల్లో ప్రైవేటు బ‌స్సుల‌కు యాక్సిడెంట్లు అవ‌డం మ‌నం చూశాం.అయితే ఇప్పుడు చెప్ప‌బోయే సంఘ‌ట‌న కూడా అటువంటిదే.కాక‌పోతే ఈ ఘ‌ట‌న‌లో ఎలాంటి ప్ర‌మాదం జ‌ర‌గ‌లేదు.

కానీ… ప్ర‌మాదం జ‌రిగే లెవ‌ల్లో ఆ బ‌స్సుల డ్రైవ‌ర్లు పోటీ ప‌డి మ‌రీ బ‌స్సుల‌ను న‌డిపారు.దీంతో ఆ బ‌స్సుల్లో ప్ర‌యాణిస్తున్న ప్ర‌యాణికులు ప‌డిన భ‌యం అంతా ఇంతా కాదు.

అది తమిళనాడులోని కోయంబత్తూరు-పొల్లాచి జాతీయ రహదారి.ఆ ర‌హ‌దారి ఇంకా నిర్మాణ ద‌శ‌లోనే ఉంది.

దీంతో తారు రోడ్డు చాలా త‌క్కువ‌గా ఉంది.మొత్తం కంక‌ర‌తోనే నిండి ఉంది.

అయితే ఆ రోడ్డుపై ఇద్ద‌రు ప్రైవేటు బ‌స్సు డ్రైవ‌ర్లు పోటీ ప‌డ్డారు.తొలుత ఓ బస్సు మరో బస్సును క్రాస్‌ చేసేందుకు ప్రయత్నించగా ఆ బస్సు డ్రైవర్‌ పక్కకు తొలగలేదు.

దీంతో ఏకంగా క్రాస్‌ చేయాలనుకున్న మరో బస్సు డ్రైవర్‌ అవతలి రోడ్డుపైకి దూసుకెళ్లాడు.ఆ రోడ్డు ఇంకా నిర్మాణ దశలోనే ఉండటంతో దుమ్మురేగిపోయింది.