వైసీపీని భయపెడుతున్న ' బాలినేని ' ? అసంతృప్తి కి కారణం ఆయనేనా ? 

వైసీపీ సీనియర్ నేత,  జగన్ బంధువు ,ఒంగోలు ఎమ్మెల్యే బాలినేని శ్రీనివాస్ రెడ్డి( Balineni Srinivasareddy ) వ్యవహారం ఇప్పుడు పార్టీలో హాట్ టాపిక్ గా మారింది.

మొదటి మంత్రివర్గంలోనే మంత్రి పదవి దక్కించుకున్న బాలినేని,  రెండో విడత మంత్రి వర్గ విస్తరణలో ఆ పదవి కోల్పోయారు.

ఇక అప్పటి నుంచి అంత యాక్టివ్ గా కనిపించడం లేదు.అయితే ఆయనకు నెల్లూరు,  తిరుపతి, వైఎస్సార్  జిల్లాల సమన్వయకర్త గా బాధ్యతలు అప్పగించి అసంతృప్తి కి గురికాకుండా జగన్( Jagan Mohan Reddy ) చూసుకున్నారు.

అయితే తాజాగా బాలినేని వైసిపి సమన్వయకర్త బాధ్యతలకు రాజీనామా చేశారు.తన నియోజకవర్గమైన ఒంగోలు పై దృష్టి పెట్టేందుకు,  తనకున్న అనారోగ్య సమస్యల కారణంగా ఈ నిర్ణయం తీసుకున్నట్లు రాజీనామా లేఖలో బాలినేని పేర్కొన్నారు.