వీడియో వైరల్.. పూరి జగన్నాథుడి గుడి జెండా ఎత్తుకెళ్లిన గద్ద.. చివరకు?

పురాతన శిల్పకళ, భక్తి, సంప్రదాయాల సమ్మేళనంగా నిలిచే పూరీ జగన్నాథ ఆలయం( Puri Jagannath Temple ) భారతదేశంలో అత్యంత పవిత్ర క్షేత్రంగా భావించబడుతుంది.

ఒడిశా రాష్ట్రంలోని పూరీలో ఉన్న ఈ ఆలయం చారిత్రక, ధార్మిక ప్రాముఖ్యతతో ప్రసిద్ధి పొందింది.

శ్రీకృష్ణుడిని జగన్నాథుడిగా పూజించే ఈ ఆలయంలో రోజూ వేలాదిమంది భక్తులు సందర్శించి ఆధ్యాత్మిక అనుభూతిని పొందుతారు.అయితే, ఆదివారం నాడు ఈ పవిత్ర క్షేత్రంలో ఒక అసాధారణ సంఘటన చోటుచేసుకుని భక్తులను ఆశ్చర్యానికి గురిచేసింది.

ప్రతిరోజూ మాదిరిగానే ఆలయ శిఖరంపై ఎగురుతున్న జగన్నాథుని పవిత్ర పతాకాన్ని( flag of Lord Jagannath ) మార్చే కార్యక్రమం జరుగుతున్న సమయంలో, ఒక్కసారిగా ఓ గద్ద వచ్చి ఆ జెండా వైపు దూకింది.నోటితో ఆ జెండాను పట్టుకుని గాలిలో ఎగిరిపోయింది.

ఆ గద్ద ఆలయం చుట్టూ రెండు సార్లు చక్కర్లు కొట్టింది.ఈ దృశ్యం ఆక్షణానికి భక్తుల దృష్టిని ఆకర్షించి వారిని ఆశ్చర్యానికి గురి చేసింది.

భక్తులు తమ మొబైల్ ఫోన్లలో ఈ దృశ్యాన్ని బంధించి వెంటనే సోషల్ మీడియాలో షేర్ చేయడంతో ఆ వీడియో క్షణాల్లో వైరల్ అయ్యింది.ఇది చూసిన చాలామంది నెటిజన్లు ఆశ్చర్యంతో పాటు భక్తితో స్పందించారు.