కెనడా, ఆస్ట్రేలియా కఠిన నిబంధనలు.. భారత్‌లోనే బెటర్ , మారుతోన్న విద్యార్ధుల ఆలోచనలు

ఏదైనా విదేశానికి చదువు, ఉపాధి నిమిత్తం వెళ్లాలంటే పంజాబీల ఫస్ట్ ఛాయిస్ ‘‘కెనడా’’నే.( Canada ) దశాబ్ధాల అనుబంధంతో పాటు కుటుంబ సభ్యులు, బంధువులు, స్నేహితుల్లో ఎవరో ఒకరు ఖచ్చితంగా కెనడాలోనే స్థిరపడటంతో పంజాబీ యువత( Punjabi Youth ) ఆ దేశానికి వెళ్లేందుకు చిన్నప్పటి నుంచే ప్లాన్ చేసుకుంటారు.

అయితే కెనడియన్ ప్రభుత్వం చేసిన ఇటీవలి విధాన మార్పులు భారతీయ విద్యార్ధుల నమోదులో గణనీయమైన క్షీణతకు కారణమవుతున్నాయి.2023లో జారీ చేసిన స్టడీ వీసాలలో( Study Visa ) 37 శాతం అందుకుని అతిపెద్ద జాతీయ సమూహంగా ఉన్న భారతీయులు ఇప్పుడు కొత్త సవాళ్లను ఎదుర్కొంటున్నారని విశ్లేషకులు అంటున్నారు.మరోవైపు.

మోసాలు, నకిలీ డాక్యుమెంట్లతో స్టూడెంట్ వీసాకు దరఖాస్తులు పెరుగుతున్న నేపథ్యంలో ఆస్ట్రేలియాలోని( Australia ) కొన్ని యూనివర్సిటీలు సంచలన నిర్ణయం తీసుకున్నాయి.పలు భారతీయ రాష్ట్రాలకు చెందిన విద్యార్ధులకు అడ్మిషన్ ఇవ్వకూడదని నిర్ణయించినట్లుగా కథనాలు వస్తున్నాయి.

విక్టోరియాలోని ఫెడరేషన్ యూనివర్సిటీ, న్యూసౌత్ వేల్స్‌లోని వెస్ట్రన్ సిడ్నీ యూనివర్సిటీలు భారతీయ రాష్ట్రాలైన పంజాబ్, హర్యానా, ఉత్తరాఖండ్, ఉత్తరప్రదేశ్, జమ్మూకాశ్మీర్‌లకు చెందిన విద్యార్ధులకు అడ్మిషన్ ఇవ్వొద్దని నిర్ణయించాయి.