పోలవరం, వైజాగ్ స్టీల్ ప్లాంట్ కరక్ట్ పాయింట్ పట్టిన కేసీఆర్!

భారత రాష్ట్ర సమితి అధ్యక్షుడు, తెలంగాణ ముఖ్యమంత్రి కె.చంద్రశేఖర్ రావు త్వరలో భారత ప్రధాని కావాలని కలలుకంటున్నట్లు కనిపిస్తోంది.

సోమవారం హైదరాబాద్‌లో జరిగిన సమావేశంలో కొందరు ఆంధ్రా నేతలను బీఆర్‌ఎస్‌లోకి చేర్చుకున్న కేసీఆర్.తాను ఇప్పటికే ప్రధాని అయ్యానంటూ ఆంధ్రప్రదేశ్‌కు సంబంధించి పలు హామీలు గుప్పించారు.

బీఆర్‌ఎస్ జాతీయ రాజకీయాల్లోకి వచ్చి భారతదేశాన్ని జయిస్తే పోలవరం ప్రాజెక్టు పూర్తి వంటి వివాదాస్పద అంశాలను పరిష్కరిస్తామన్నారు. విశాఖ స్టీల్ ప్లాంట్ ప్రైవేటీకరణను అడ్డుకుంటామని హామీ ఇచ్చారు.

వైజాగ్ స్టీల్ ప్లాంట్‌ను ప్రైవేటీకరించాలని మోదీ భావిస్తున్నారు. ఆయన హయాంలో దాన్ని  ప్రైవేటీకరణ  చేసినా మళ్లీ ప్రభుత్వ రంగంలోకి తీసుకొస్తాను.

 నేను జాతీయీకరణను నమ్ముతాను, ”అంటూ ఘాటు వ్యాఖ్యలు చేశారు.దేశ  ప్రతిష్టాత్మకమైన ప్రణాళికలను బీజేపీ తూట్లు పొడిచిందన్నారు.

అయితే ఏపీలో బీఆఎస్ విస్తరించాలంటే ప్రధాన సమస్యలపై పోకస్ చేయాలనుకున్న కేసీఆర్ పోలవరం, స్టీల్ ప్లాంట్ అంశాన్ని ముందుకు తెస్తున్నారు.అయితే బీజేపీ కూడా ఈ అంశం ఘాటుగా స్పందించింది.

 కేసీఆర్ భారత ప్రధాని కావాలని పగటి కలలు కంటున్నాడు అని బిజెపి అధికార ప్రతినిధి కె.కృష్ణసాగర్‌రావు అన్నారు.