గానోడెర్మా తెగులు నుండి కొబ్బరి పంటను సంరక్షించే సస్యరక్షణ పద్ధతులు..!

కొబ్బరి పంటను ఆశించే తెగులలో గానోడెర్మా తెగులు ( Ganoderma pest )అతి ప్రమాదకరమైనది.ఈ తెగులు పంటను ఆశిస్తే నష్టం తీవ్రస్థాయిలో ఉంటుంది.

ప్రాంతాలను బట్టి ఈ తెగులను బంకకారు తెగులు, సిగ తెగులు, ఎర్ర లక్క తెగులు, పొట్టు లెక్క తెగులు అని వివిధ పేర్లతో పిలుస్తారు.తేలికపాటి నేలలలో, నీటి ఎద్దడి అధికంగా ఉండే తోటలలో, కొబ్బరి చెట్ల వేర్లు నరికి వేయడంతో ఆ వేర్లకు గాయాల రూపంలో ఈ తెగులు పంటను ఆశిస్తాయి.

నల్ల రేగడి నేలలలో, నీటి వనరులు సమృద్ధిగా ఉన్న తోటలలో, చెట్లు వేర్లు నరకకుండా ఉంటే ఈ తెగులు పంటను ఆశించే అవకాశాలు చాలా తక్కువగా ఉంటాయి.ముఖ్యంగా చెట్ల వేర్లకు గాయాలైనప్పుడు బూజు జాతి శిలీంధ్ర బీజాల వల్ల కొబ్బరి కి ఈ తెగులు సోకి వేర్లు అన్ని కుళ్లిపోతాయి.

ఈ తెగుల ఉదృత్తి పెరుగుతున్న క్రమంలో కాండం చుట్టూ చిన్నచిన్న పగుళ్ల నుండి ముదురు గోధుమ రంగు వంటి తెలుపు వర్ణం కలిగిన చిక్కటి జిగురు ద్రవం కనిపిస్తుంది.