రైతులకు కాసుల వర్షం కురిపిస్తున్న బొప్పాయి పాలు..!

బొప్పాయి కాయల నుండి పాల సేకరణ తెల్లవారుజాము నుండి 10:00 గంటల వరకు మాత్రమే చేస్తారు.ఈ పాల సేకరణ ప్రత్యేక పద్ధతుల్లో చేయాల్సి ఉంటుంది.ఏ చెట్టు నుండి పాలు తీయాలో ముందుగా ఆ చెట్టు కింద చుట్టూ ప్లాస్టిక్ కవర్ తో తయారు చేసిన ఓ జల్లెడ లాంటి అట్టను కింద ఉంచుతారు.

ఆ తరువాత బొప్పాయి కాయలపై గాట్లు వేస్తారు.కాయల నుండి కారే పాలన్ని కింద ఉన్న ప్లాస్టిక్ సంచులలో పడతాయి.కొద్దిసేపటికే ఆ పాలన్నీ గడ్డగా మారిపోతాయి.

పాలు కారడం నిలిచిపోయిన తర్వాత ఆ గడ్డగా మారిన పాలను ప్లాస్టిక్ క్యాన్లలో నింపుతారు.ఒక ఎకరం లో ఉండే బొప్పాయి తోటకు రూ.20 వేల వరకు చెల్లించి కాంట్రాక్టర్లు బొప్పాయి పాలు సేకరిస్తుంటారు.