ఎన్టీఆర్‌30 : మార్చి కూడా వదిలేసిన కొరటాలపై ఫ్యాన్స్‌ అసంతృప్తి

ఎన్టీఆర్ ఫ్యాన్స్ తో పాటు తెలుగు ప్రేక్షకులు ఎంతో ఆసక్తిగా ఎదురు చూస్తున్న కొరటాల శివ దర్శకత్వం లోని చిత్రం ఇప్పటి వరకు కూడా ప్రారంభం కాక పోవడం పట్ల అభిమానులు అసంతృప్తి వ్యక్తం చేస్తున్నారు.

గత సంవత్సర కాలంగా ఈ సినిమా అదిగో ఇదిగో అంటూ దర్శకుడు కొరటాల శివ ఊరిస్తూనే ఉన్నాడు.

తన గత చిత్రం ఆచార్య నిరాశ పర్చడంతో ఈ సినిమా విషయంలో కాస్త ఎక్కువగా హోంవర్క్ చేస్తున్నట్లుగా తెలుస్తోంది.అందుకే సంవత్సరం పాటు ప్రీ ప్రొడక్షన్ వర్క్ లోనే కొరటాల శివ( Koratala Siva ) టైమ్ స్పెండ్‌ చేశాడు.

మార్చి నెలలో ఖచ్చితంగా సినిమా ప్రారంభం అవుతుంది అంటూ ఆ మధ్య ఎన్టీఆర్ కూడా ప్రకటించాడు.కానీ మార్చి నెలలో కేవలం పూజ కార్యక్రమాలకి సరిపోయింది.

రెగ్యులర్ షూటింగ్ కార్యక్రమాలు ఏప్రిల్ నెలలో ప్రారంభం అవుతాయి అనే కొత్త వాదన వినిపిస్తోంది.అసలు ఇప్పటి వరకు ఎన్టీఆర్( JR ntr ) సినిమా ప్రారంభం కాకపోవడానికి కారణం ఏంటి అంటూ కొరటాల శివను చాలా మంది ప్రశ్నిస్తున్నారు.