భారతీయుల బహిష్కరణ : యువతను ఆదుకోండి .. ప్రభుత్వానికి ఎన్ఆర్ఐ సంస్థ విజ్ఞప్తి

అక్రమంగా అమెరికాలో( America ) నివసిస్తున్న భారతీయులను( Indians ) ఫెడరల్ ప్రభుత్వం దేశం నుంచి బహిష్కరిస్తున్న సంగతి తెలిసిందే.

ఏకంగా యూఎస్ మిలటరీ విమానాల ద్వారా తరలింపు ప్రక్రియను సైతం చేపట్టింది.

ఇప్పటికే ఒక బ్యాచ్‌ పంజాబ్‌లోని అమృత్‌సర్ విమానాశ్రయానికి చేరుకుంది.ఈ నేపథ్యంలో అమెరికా ప్రభుత్వంపై విమర్శలు వెల్లువెత్తుతున్నాయి.

ఈ పరిణామాలపై నార్త్ అమెరికన్ పంజాబీ అసోసియేషన్ (ఎన్ఏపీఏ)( North American Punjabi Association ) దిగ్భ్రాంతి వ్యక్తం చేసింది.అమెరికా నుంచి బహిష్కరణను ఎదుర్కొంటున్న యువకులు, బాలికలకు మద్ధతుగా పునరావాస నిధిని ఏర్పాటు చేయాలని డిమాండ్ చేసింది.

స్వదేశానికి తిరిగొచ్చిన వారికి మద్ధతు, వనరుల లేకపోవడం వంటి పరిస్థితులు రాష్ట్రంలో తీవ్రమైన సామాజిక , ఆర్ధిక సవాళ్లకు దారి తీస్తుందని ఎన్ఏపీఏ ఎగ్జిక్యూటివ్ డైరెక్టర్ సత్నం సింగ్ చాహల్( NAPA Executive Director Satnam Singh Chahal ) ఆవేదన వ్యక్తం చేశారు.