Nara Lokesh : నేటి నుంచి లోకేష్ ఎన్నికల ‘ శంఖారావం ‘ 

టిడిపి జాతీయ ప్రధాన కార్యదర్శి నారా లోకేష్( Nara Lokesh ) ఎన్నికల ప్రచారానికి సిద్ధమవుతున్నారు.

రాబోయే సార్వత్రిక ఎన్నికలను దృష్టిలో పెట్టుకుని రాష్ట్రమంతట పర్యటించేందుకు లోకేష్ ప్లాన్ చేసుకుంటున్నారు.

ఈ మేరకు ఇచ్చాపురం నుంచి ఎన్నికల శంఖారావాన్ని లోకేష్ నేటి నుంచి ప్రారంభించనున్నారు.తొలి విడతలో ఉత్తరాంధ్రలోని 31 నియోజకవర్గాల్లోనూ పర్యటన చేపట్టే విధంగా లోకేష్ ప్లాన్ చేసుకుంటున్నారు.

ముఖ్యంగా యువగళం పాదయాత్ర జరగని నియోజకవర్గాల్లో శంఖారావం పేరుతో ఆయన ఆదివారం నుంచి పర్యటిస్తారు.నిన్న రాత్రి 10.45 గంటలకు ఇచ్చాపురం చేరుకున్న లోకేష్ కు ఎమ్మెల్యే బెందాళం అశోక్( Bendalam Ashok ) స్థానిక టిడిపి నాయకులు ఘన స్వాగతం పలికారు .రాజావారి గ్రౌండ్స్ లో ఈరోజు ఉదయం శంఖారావం ప్రారంభ సభలో ప్రసంగిస్తారు.అనంతరం పార్టీ నేతలు, కార్యకర్తలతో ఎన్నికల వ్యూహాలపై ముఖాముఖి నిర్వహిస్తారు.