దండం పెడుతున్న కళ్యాణ్ రామ్.. ఇక చాలట!

నందమూరి కళ్యాణ్ రామ్ నటించిన లేటెస్ట్ మూవీ ‘ఎంత మంచివాడవురా’ ఇటీవల సంక్రాంతి కానుకగా జనవరి 15న రిలీజ్ అయిన విషయం తెలిసిందే.

రెండు పెద్ద సినిమాల మధ్య రిలీజ్ అయిన ఈ చిన్న సినిమాకు తొలిరోజే ఎదురుదెబ్బ తగలడంతో ఇక ఇలాంటి సినిమాల జోలికి పోవద్దని డిసైడ్ అయ్యాడట కళ్యాణ్ రామ్.

రెండు పెద్ద సినిమాలు రిలీజ్ అయిన సమయంలో చిన్న సినిమాలను ఎక్కువశాతం రిలీజ్ చేయరు.కానీ శతమానం భవతి సినిమా సెంటిమెంట్‌ను అతిగా నమ్మిన దర్శకుడు సతీష్ వేగ్నేశ, ఈ సినిమాను కూడా అదే తరహాలో రిలీజ్ చేసి సత్తా చాటాలనుకున్నాడు.

పూర్తి ఫ్యామిలీ ఎంటర్‌టైనర్‌ మూవీగా తెరకెక్కిన ఈ సినిమా టీజర్, ట్రైలర్లు ప్రేక్షకులను ఆకట్టుకుంది.దీంతో సినిమా ఖచ్చితంగా హిట్ అవుతుందని అనుకున్నారు అందరూ.

కానీ సినిమా రిలీజ్ తరువాత సీన్ రివర్స్ అయ్యింది.పెద్ద సినిమాలకు జనం ఓటేయడంతో ఎంత మంచివాడవురా సినిమాను పట్టించుకున్న నాధుడే లేడు.

దీంతో ఈ సినిమా డిజాస్టర్‌గా మిగిలింది.ఈ సినిమాపై మంచి అంచనాలు పెట్టుకున్న కళ్యాణ్ రామ్, తన నెక్ట్స్ సినిమాలలో ఎలాంటి ప్రయోగాలు చేయకూడదని నిర్ణయించుకున్నాడు.

కేవలం కమర్షియల్ అంశాలునన సినిమాలకే తన ఓటు ఉంటుందని దర్శకనిర్మాతలు తెలిపాడట.