"రేపే పెళ్లి.. వేసుకోవడానికి బట్టలు లేవు".. ఎయిర్ ఇండియాపై యువతి ఫైర్..?

ఆమె ప్రయాణంలో ఎయిర్ ఇండియా తన బ్యాగును లోడ్ చేయడం మర్చిపోయిందని చెప్పారు.سان శాన్ ఫ్రాన్సిస్కొ (SFO) నుంచి బెంగళూరు ( BLR )కు నేరుగా వెళ్లే విమానంలో ఈ సమస్య ఎదురైంది.ఎయిర్ ఇండియా కస్టమర్ సర్వీస్‌కు ఫోన్ చేయలేక ఇబ్బంది కూడా పడ్డారట, వాళ్లు ఫోన్ ఎత్తేసరికి ఆమె దాదాపు 40 సార్లు ఫోన్ చేయాల్సి వచ్చింది.

ఫ్లైట్‌ దిగి 36 గంటలు గడిచిపోయినా, ఇప్పటికీ తన బ్యాగు ఎప్పుడు వస్తుందో తెలియరాలేదు అని జులై 8న పూజా కథైల్ తన అనుభవాన్ని పంచుకున్నారు.ముఖ్యంగా ఆమె "రేపు పెళ్ళి వేడుకకు వెళ్లాలి కానీ, బట్టలు లేవ"ని ఆందోళన వ్యక్తం చేశారు.

ఎయిర్ ఇండియా ఆమె పోస్ట్‌కు స్పందిస్తూ జరిగిన అసౌకర్యానికి క్షమాపణలు చెప్పింది.ఎయిర్‌పోర్ట్, బ్యాగేజ్ టీమ్‌తో తనిఖీ చేయడానికి PNR, PIR కాపీ, బ్యాగ్ ట్యాగ్ వివరాలను పంపించమని ఆమెను కోరింది.

ఎయిర్ ఇండియా( Air India ) స్పందించినప్పటికీ, పూజా కథైల్ ఆ సాయంత్రం మరొక అప్‌డేట్‌ను పోస్ట్ చేశారు, ఇప్పటికీ ఎయిర్ ఇండియా నుంచి ఎలాంటి సమాచారం అందలేదని తెలియజేశారు.ఎయిర్‌లైన్ మళ్లీ స్పందిస్తూ, ఆమె వివరాలను బ్యాగేజ్ టీమ్‌కు ఫార్వర్డ్ చేశామని, సమాచారం సేకరించడానికి మరింత సమయం కావాలని చెప్పింది.