కడప గడపలోకి ఎంటర్ అయిన లోకేష్!

ఎక్కడకక్కడ మాటల తూటాలతో అధికార పక్షాన్ని ఇరుకున పెడుతున్న లోకేష్ కడపలో కూడా తనదైన శైలిలో విమర్శలు చేస్తే దానికి వైసిపి నేతల నుంచి రియాక్షన్ ఎలా ఉంటుందో అన్న టెన్షన్ వాతావరణం ప్రస్తుతం కడపలో నెలకొన్నట్లుగా చెబుతున్నారు.ప్రస్తుతం ఇప్పటికే కడపలో వైయస్ అవినాష్ రెడ్డి -సిబిఐ వ్యవహారాలతో పరిస్థితి హాట్ హాట్ గా ఉంది .మరి ఇప్పుడు దానికి లోకేష్ పర్యటన వేడి కూడా జతకలిస్తే మరింత సెన్సిటివ్ గా వాతావరణం మారే అవకాశం ఉందని పోలీస్ శాఖ టెన్షన్ పడుతున్నట్లుగా సమాచారం .ఇప్పటికే రాయలసీమలో మూడు జిల్లాలను పర్యటనను పూర్తి చేసుకున్న లోకేష్ ఆయా జిల్లాలో సుదీర్ఘంగా పర్యటించారు కడప జిల్లాలో కూడా లోకేష్ పర్యటన చాలా రోజులు ఉండబోతున్నట్టు సమాచారం.వైసిపి స్లోగన్ వై నాట్ కుప్పం కి ప్రతిగా వై నాట్ పులివెందుల? అంటూ ముందుకెళ్తున్న తెలుగుదేశం కడప జిల్లా పై భారీగానే దృష్టి పెట్టినట్లుగా తెలుస్తుంది .