ఎన్టీఆర్, ఎస్వీఆర్ అనూహ్య ప్రవర్తనతో ఆశ్చర్యపోయిన కృష్ణంరాజు..?

ఆర్టిస్టులు ప్రశంసల కోసం పాకులాడుతారని స్పెషల్ గా చెప్పాల్సిన పనిలేదు.కొంచెం పొగిడితే చాలు వారు మరింత ఉత్సాహంతో ఇంకా మంచిగా పని చేయడానికి ప్రయత్నిస్తారు.

అయితే సినిమా ఇండస్ట్రీలో కొత్తగా వచ్చిన ఆర్టిస్టులకు ఇలాంటి ప్రశంసలు దొరకడం చాలా అరుదు.నిజానికి కొత్త ఆర్టిస్టుకు ఎక్కువగా అవమానాలు ఎదురవుతుంటాయి.

అందంగా లేవని, లావుగా ఉన్నావని, సరిగా యాక్ట్ చేయడం రావడం లేదని ఇలా ఎన్నో విధాలుగా దర్శకులు, సీనియర్ నటులు( Directors , senior actors ) దెప్పిపొడుస్తుంటారు.అయితే అందరూ నటులు అలా చేస్తారని కాదు.

కొందరు సినిమాల్లో ఆల్రెడీ హీరోలుగా రాణిస్తున్నా ఇతరులను కూడా ప్రోత్సహిస్తారు.వారిని కూడా పైకి తీసుకొచ్చేందుకు ప్రయత్నిస్తారు.

అలాంటి వారిలో ముఖ్యంగా సీనియర్ ఎన్టీఆర్ ( Senior NTR )ఉంటారని చెప్పుకోవచ్చు.కృష్ణ, మోహన్ బాబు, చిరంజీవి( Krishna, Mohan Babu, Chiranjeevi ) లాంటి ఎంతో మంది హీరోలను ఎన్టీఆర్ బాగా ప్రశంసించేవారు.

వారిని పైకి రావాలని ప్రోత్సహించేవారు.వారిని ఫ్యామిలీ మెంబర్స్ గా క్రియేట్ చేస్తూ మద్దతు ఇచ్చేవారు.

ఇక ఎస్వీ రంగారావు కూడా కొత్త నటులను మంచిగా పలకరిస్తూ మంచిగా నటిస్తే ప్రశంసలు కురిపించేవారు.రెబల్‌స్టార్‌ కృష్ణంరాజు( Rebelstar Krishnamraju ) వీరిద్దరి ప్రవర్తన చూసి అప్పట్లో ఆశ్చర్యపోయారట.

బతికున్నప్పుడు కృష్ణంరాజు ఒక ఇంటర్వ్యూ ఇచ్చారు.అందులో ఎన్టీఆర్ ఎస్వీఆర్ ఎంత మంచి వారో, మిగతా ఇండస్ట్రీకి వారి అంత భిన్నంగా ఉండేవారో చెప్పుకొచ్చారు.

అంత పెద్ద నటులు తనను పొగడ్తలతో ముంచేస్తుంటే ఎంతో ఆనందంగా, అలాగే ఆశ్చర్యకరంగా అనిపించాలని కృష్ణంరాజు చెప్పుకొచ్చారు.ఇండస్ట్రీలో హీరోగా ఎదిగానంటే దానికి వీరిద్దరే కారణమని తెలిపారు.