భాజపా మత రాజకీయాలను ఎదుర్కోవడానికి దళితవాదమే ఆయుధం అని కేసీఆర్ భావిస్తున్నారా?

దేశవ్యాప్తంగా మెజారిటీ హిందువుల మత విశ్వాసాలపై రాజకీయాలు చేసే భాజపాను ( BJP ) ఎదురుకోవడానికి దళితవాదమే సరైన ఆయుధమని తెలంగాణ ముఖ్యమంత్రి కేసీఆర్( CM KCR ) భావిస్తున్నట్లుగా సమాచారం .

మతపరమైన రాజకీయాలు చేసే భాజపాను దళితులను బహుజనులను ఐక్యం చేయడం ద్వారా ఎదుర్కోవచ్చని ఆయన భావిస్తున్నారని, అందుకే దళిత బహుజనులను ప్రసన్నం చేసుకోవడానికి అంబేద్కర్ 1225 అడుగుల విగ్రహాన్ని ఏర్పాటు చేశారని ఆ సందర్భంగా ఆయన చేసిన ప్రసంగం కూడా కేంద్రం లో అధికారాన్ని దృష్టిలో పెట్టుకొని చేసిందని వార్తలు వినిపిస్తున్నాయి.

సంఖ్యాపరంగా అధిక సంఖ్యలో ఉన్నప్పటికీ సంఘటితంగా లేని కారణంగానే దళితులు ( Dalits ) అధికారం పొందలేకపోతున్నారని ఇప్పటికే అనేక సార్లు చెప్పిన కేసీఆర్ ఇప్పుడు ఈ విగ్రహ ఏర్పాటు ద్వారా తానే ముందుండి వారిని ఒక తాటి పైకి తీసుకొచ్చే ప్రయత్నం చేస్తున్నారు.దళిత బంధు అమలు చేస్తున్న ఏకైక రాష్ట్రం భారతదేశంలో తెలంగాణ మాత్రమేనని దేశంలో ప్రతి ఏటా 25 లక్షల కుటుంబాలకు దళిత బంధు అమలు చేసే రోజు తొందరలో వస్తుందంటూ ఆయన చెప్పుకొచ్చారు.