పగలు జాబ్ సాయంత్రం ఇంజినీరింగ్.. రూ.2 కోట్ల జాబ్ సాధించిన ఈమె సక్సెస్ కు ఫిదా అవ్వాల్సిందే!

ఒకవైపు ఉద్యోగం చేస్తూ మరోవైపు ఇంజినీరింగ్ చదవడం సాధారణమైన విషయం కాదనే సంగతి తెలిసిందే.కొన్నిసార్లు చదువుకోవాలని భావించినా పరిస్థితులు సహకరించవు.

అయితే కొంతమంది మాత్రం ఎన్ని ఇబ్బందులు ఎదురైనా వాటిని అధిగమించి సత్తా చాటుతారు.అలా సత్తా చాటిన వారిలో కళ్యాణి తుమ్మల( Kalyani Tummala ) ఒకరు.

ప్రస్తుతం కళ్యాణి అమెరికాలోని( America ) ప్రముఖ అడ్వాన్స్డ్ మైక్రో డివైజెస్( Advanced Micro Devices ) సంస్థలో సాఫ్ట్ వేర్ డెవలప్మెంట్ మేనేజర్ గా( Software Development Manager ) ఆమె పని చేస్తున్నారు.మేము ముగ్గురం ఆడపిల్లలమని మాది నందిగామ దగ్గర ఉన్న ముప్పాళ్ల( Muppalla ) అని ఆమె తెలిపారు.

మా కుటుంబం రైతు కుటుంబం అని ఎంత కష్టపడినా అప్పులే మిగిలేవని ఆమె చెప్పుకొచ్చారు.ఊహ తెలిసినప్పటి నుంచి నేను వ్యవసాయ పనులు చేశానని కళ్యాణి పేర్కొన్నారు.

ఎప్పుడైనా చదువు ఆగిపోవచ్చనే విధంగా దినదిన గండంగా నా జీవితం సాగిందని కళ్యాణి వెల్లడించడం గమనార్హం.