జొన్నల సాగులో ఎరువుల వాడకం.. యాజమాన్య పద్ధతులు..!

వేసవిలో భూమిని దాదాపు 20 సెంటీమీటర్ల లోతులో దున్ని, ఓ నాలుగు వారాలపాటు సూర్యరశ్మి తగిలేటట్టు వదిలేయాలి.ఆ తర్వాత రెండు లేదా మూడుసార్లు భూమిని మెత్తగా దున్ని ఎప్పటికప్పుడు చదును చేసుకోవాలి.ఒక ఎకరా పొలానికి ఐదు టన్నుల పశువుల ఎరువులు, రెండు కిలోల పాసిలోమైసిస్ లిలసినస్, రెండు కిలోల పాస్పో బ్యాక్టీరియా, రెండు కిలోల అజోస్పిరిల్లమ్ ఎరువులను భూమికి అందించాలి.

ఈ ఎరువులతో భూమిలో నత్రజని శాతం( Nitrogen ) పెరగడంతో పాటు నులిపురుగుల సమస్య అరికట్టబడుతుంది.రసాయన ఎరువుల విషయానికి వస్తే ఒక ఎకరాకు 25 కిలోల యూరియా, 40 కిలోల DAP,25 కిలోల MOP, ఐదు కిలోల కార్బోప్యూరాన్ 3% , ఐదు కిలోల జింక్ సల్ఫేట్ పొలంలో చల్లాలి.