జార్జియా స్కూల్‌లో కాల్పులు : ఖండించిన బైడెన్, కమలా హారిస్.. అమెరికాలో గన్ కల్చర్‌పై వ్యాఖ్యలు

అమెరికా( America )లోని జార్జియా( Georgia )లో ఉన్న ఓ స్కూల్‌లో 14 ఏళ్ల విద్యార్ధి ఉన్మాదిగా మారి తుపాకీతో తోటి విద్యార్ధులపై విచక్షణారహితంగా కాల్పులు జరిపాడు.

సెప్టెంబర్ 4న జరిగిన ఈ ఘటనలో ఇద్దరు విద్యార్ధులు, ఇద్దరు ఉపాధ్యాయులు ప్రాణాలు కోల్పోగా.

మరో 9 మంది తీవ్రగాయాలతో ఆసుపత్రి పాలయ్యారు.ఈ ఘటనపై అమెరికా అధ్యక్షుడు జో బైడెన్ , ఉపాధ్యక్షురాలు కమలా హారిస్ దిగ్భ్రాంతి వ్యక్తం చేశారు.

తుపాకీ హింస మన కమ్యూనిటీలను ఎలా చీల్చివేస్తుందనడానికి ఈ ఘటన మరో నిదర్శనమని బైడెన్ ఆవేదన వ్యక్తం చేశారు.దేశవ్యాప్తంగా విద్యార్ధులు చదవడం, రాయడంతో పాటు తమను తాము రక్షించుకోవడం కూడా నేర్చుకోవాల్సి ఉందన్నారు.

ఫెడరల్, స్టేట్, స్టానిక అధికారులతో ఈ ఘటనపై సమన్వయం చేసుకుంటున్నామని బైడెన్ పేర్కొన్నారు.అనుమానితుడిని అదుపులోకి తీసుకుని , ప్రాణనష్టాన్ని నివారించిన భద్రతా సిబ్బందికి ఆయన కృతజ్ఞతలు తెలిపారు.