జగన్ మాటలకు క్లారిటీ దొరకడంలేదా ..? మార్పు కావాలా ..?

ఖచ్చితంగా మీ జీవితాల్లో మార్పు తీసుకొస్తా ! అందులో మార్పు తీసుకొస్తా ! ఇందులో మార్పు తీసుకొస్తా ! అంటూ జగన్ మార్పు గురించి పడే పడే చెప్పుకొస్తున్నాడు అయితే జగన్ తీసుకొస్తాను అంటున్న మార్పు ఎలా తీసుకొస్తాడో కాస్త వివరంగా చెబితే బాగుండుని కానీ అలా చెప్పడంలేదు .

ఎక్కడికి వెళ్లినా మార్పు తీసుకొస్తా అని మాత్రమే పడే పడే చెప్తూ పోతున్నాడు.

అసలు జగన్ మాట్లాడుతున్న మాట్లా గురించి ప్రజలు ఏమనుకుంటున్నారో ఒకసారి ఆ పార్టీ నాయకులు కూడా తెలుసుకుంటే బాగుంటుంది.కానీ వారు ఇవేమి పట్టించుకోనట్టు కనిపిస్తున్నారు.

అందుకే జగన్ రొటీన్ గా అవే డైలాగులు అవే హామీలు ఇస్తూ పాదయాత్రను బోర్ కొట్టించేస్తున్నాడు.జగన్ కోరుకుంటున్న ఈ మార్పు ఏంటనేది సామాన్యులకు అర్థం కావడం లేదు! ఇంకోటి.

ఆ మార్పు జగన్‌ ఒక్కడివల్లే సాధ్యం కాదంటారు, జనం రావాలంటారు! జనానికి అర్థమయ్యేట్టు చెప్పలేని ఆ మార్పు కోసం.జగన్ వెంట జనాలు రావాలంటే ఎలా వస్తారు.? రాజకీయాల్లో విశ్వసనీయత, నిజాయితీ రావాలంటారు.కానీ, తాను వాటిని ఎలా తెస్తానో, ప్రాక్టికల్ గా వాటిని తెచ్చేందుకు తానేం చెయ్యబోతున్నాననేది కూడా జగన్ చెప్పడం లేదు.

మార్పు, విశ్వసనీయత, నిజాయితీ, నిబద్ధత ఇలాంటి పదాలు ఎన్నైనా మాట్లాడొచ్చు కానీ, వాటిని పాలనలోకి ఎలా తెస్తారనే వివరణ, విజన్ ప్రజలకు కావాలి.జగన్ పాదయాత్ర 239 రోజులు దాటినా.

వాటిపై ఇంకా స్పష్టత ప్రజలకు ఇవ్వలేకపోతున్నారు.