మనం కలలను ఎందుకు కంటామో.. కారణమేమిటో తెలుసా?

నిద్రలో ఉన్నప్పుడు మనం కలలను కంటాం.కలలు ఎందుకు వస్తాయో తెలుసుకోవాలని అందరికీ ఉంటుంది.

నిజానికి కలలు రావడానికి ఎవరూ కారణం కాదు.కలలను అర్థం చేసుకోవడానికి వివిధ సిద్ధాంతాలు ఉన్నాయని మనస్తత్వవేత్తలు నిరూపించారు.

ఇప్పుడు కలల గురించి కొన్ని ఆసక్తికర విషయాలు తెలుసుకుందాం:మన శరీరం అలసిపోయినప్పుడు నిద్రపోతామని అందిరికీ తెలిసిందే.ఈ సమయంలోనే కలలు వస్తుంటాయి.

నిద్ర స్థితిలో మన మెదడులోని కణాలు చురుగ్గా పనిచేస్తాయి, పగటిపూట జరిగే కార్యకలాపాలను లేదా మన మనస్సులో అణచివేయబడిన కోరికలు కలల రూపంలో బయటపడతాయి.మన శరీరం కలలలో రిలాక్స్‌గా అవుతుంది.

మేల్కొన్నప్పటి స్థితిలో కంటే మరింత డైనమిక్‌గా ఉంటుంది.నిద్రలో మనకు కలలు రావడానికి కారణం ఇదే.కలలు కనేటప్పుడు మన మనస్సు ప్రశాంతంగా ఉంటుందని మనం అనుకుంటాం.కానీ మనం మెలకువగా ఉన్నప్పుడు కంటే కలలు కనే కొన్ని దశలలో మెదడు మరింత చురుకుగా ఉంటుంది.

ఈ స్థితిని ర్యాపిడ్ ఐ మూమెంట్ (ఆఈఎం) అని అంటారు, అంటే కళ్ల వేగవంతమైన కదలిక, ఇది తీవ్రమైన కలలు కనేటప్పుడు సంభవిస్తుంది.అలాంటి కలల సమయంలో శరీరం మొత్తం రిలాక్స్‌గా ఉంటుంది, ఇది కల ప్రకారం శరీరం పనిచేయకుండా చేస్తుంది.

సగటున ఒక వ్యక్తి ఒక రాత్రి వేళలో 4-6 కలలు మరియు ఒక సంవత్సరంలో 1460 కలలు కంటాడు.కానీ నిద్ర లేచిన 10 నిమిషాల్లోనే 90 శాతం కలలు మరిచిపోతారు.

ఐక్యూ ఎంత ఎక్కువైతే అంత ఎక్కువ కలలు కంటాడు.ఒక వ్యక్తి తనకు కలలు కనడం లేదని చెబితే, అతను తన కలలను మరచిపోయాడని అర్థం.

పుట్టుకతో అంధులు కాకపోయినా తర్వాత కంటి చూపు కోల్పోయిన వారు కూడా కలలు కంటారు.వీరు కలలో నీడలను చూస్తారు.

పుట్టుకతో అంధులు కలలో ఏమీ చూడరు.వారికి ఎలాంటి చిత్రాలు కనిపించవు.

వారి కలలలో విషయాలు, భావాల శబ్దాలను అనుభూతి చెందుతాయి.చిన్న పిల్లలలో మొదటి 3-4 సంవత్సరాలలో కలలు రావు.