గ్రాండ్‌గా లాంచ్ అయిన భారతదేశపు తొలి లైట్‌హౌస్ ఫెస్టివల్.. ఎక్కడంటే..

భారతదేశ సముద్ర చరిత్రను 75 ప్రముఖ లైట్‌హౌస్‌ల ద్వారా జరుపుకునే లక్ష్యంతో "ఇండియన్ లైట్‌హౌస్ ఫెస్టివల్"( Indian Lighthouse Festival ) ఒక కొత్త కార్యక్రమానికి ప్రభుత్వం శ్రీకారం చుట్టింది.

ఈ ఫెస్టివల్ మొదటి ఎడిషన్‌ను కేంద్ర ఓడరేవులు, షిప్పింగ్, జలమార్గాల మంత్రి సర్బానంద సోనోవాల్ గోవాలో( Goa ) ప్రారంభించారు.

చారిత్రాత్మక లైట్‌హౌస్‌లను మళ్లీ కొత్తగా అందుబాటులోకి తేవడం, వాటిని విద్యా, సాంస్కృతిక, పర్యాటక హాట్‌స్పాట్‌లుగా ప్రపంచానికి అందించడం ఈ పండుగ లక్ష్యం.పోర్ట్స్, షిప్పింగ్ వాటర్‌వేస్ మంత్రిత్వ శాఖ ఈ లైట్‌హౌస్‌లను ప్రపంచ స్థాయి పర్యాటక ఆకర్షణలుగా మార్చడానికి ప్రభుత్వ, ప్రైవేట్ భాగస్వామ్యాలను ప్రోత్సహిస్తోంది.

ఈ తొలి పండుగలో సాంస్కృతిక ప్రదర్శనలు, సముద్ర చరిత్ర గురించి సెషన్లు, శాస్త్రీయ ప్రదర్శనలు, లైట్ షోలు ప్రదర్శించారు.ప్రముఖ సింగర్స్ పాటలు కూడా పాడారు.