అమెరికాలో హైదరాబాద్ యువకుడు దారుణ హత్య..

రవి తేజ చెల్లెలు శ్రీయ కూడా అమెరికాలోనే చదువుకుంటోంది.త్వరలోనే అక్కడికి తల్లిదండ్రులను పిలిపించుకోవాలని వాళ్లు ఎన్నో ఆశలు పెట్టుకున్నారు.ఈ ఏడాది రవి తేజకు పెళ్లి చేయాలని కుటుంబ సభ్యులు సంబంధాలు కూడా చూస్తున్నారని అతని మేనమామ ముత్యం తెలిపారు.

రవి తేజ తన తండ్రికి రోజూ ఫోన్ చేసేవాడని, తల్లిదండ్రులను బాగా చూసుకోవాలనే తపనతో ఉండేవాడని ఆయన గుర్తు చేసుకున్నారు.ఇప్పుడు రవి తేజ మృతదేహాన్ని స్వదేశానికి తీసుకురావడం కోసం కుటుంబ సభ్యులు తీవ్రంగా ప్రయత్నిస్తున్నారు.క్యాబ్ డ్రైవర్‌గా( Cab Driver ) పనిచేసే చంద్రమౌళి, గృహిణి అయిన సువర్ణ దుఃఖంతో కుమిలిపోతున్నారు.2022లో రవి తేజ అమెరికా వెళ్లినప్పుడు ఎంతో సంతోషించామని, అది తమకు గర్వకారణమని రవి తేజ కజిన్ జి.కిషోర్ గుర్తు చేసుకున్నారు.ఈ విషాద సంఘటనతో ఉన్నత విద్య కోసం విదేశాలకు వెళ్లే యువత అక్కడ ఎన్ని ప్రమాదాలను ఎదుర్కొంటుంటారో తెలియజేస్తోంది.

కళ్ల ముందు ఎన్నో భవిష్యత్ కలలు పెట్టుకున్న ఒక నిండు ప్రాణం ఇలా అర్థాంతరంగా ముగియడం అత్యంత బాధాకరం.