Jana Sena : నేనే లోకల్ .. నాకే సీటు ! జనసేన నేత నిరాహార దీక్ష

టిడిపి, బిజెపి, జనసేన ( TDP, BJP, Jana Sena )పార్టీలకు టికెట్ల కేటాయింపు వ్యవహారం పెద్ద తలనొప్పిగా మారింది .

మొదటి నుంచి పార్టీ కోసం కష్టపడి పనిచేసిన నేతలను తప్పించి, వేరొకరికి సీటు కేటాయించడం, అలాగే పొత్తులో భాగంగా కేటాయించిన సీట్ల విషయంలోను వివాదాలు చోటు చేసుకుంటున్నాయి.

ముఖ్యంగా జనసేన పార్టీ విషయాని కొస్తే విజయవాడ పశ్చిమ నియోజకవర్గం( Western Constituency ) టికెట్ కోసం ఆ పార్టీకి చెందిన కీలక నేత పోతిన వెంకట మహేష్ ఎన్నో ఆశలు పెట్టుకున్నారు.ఎప్పటి నుంచో క్షేత్రస్థాయిలో ఆయన కష్టపడుతూ, పార్టీ కార్యక్రమాలు విస్తృతంగా చేపడుతున్నారు.

అధికార పార్టీ వైసిపిని టార్గెట్ చేసుకోవడమే కాకుండా, విజయవాడలో జనసేన బలోపేతానికి మహేష్ కృషి చేస్తున్నారు.అయితే టిడిపి, జనసేన, బిజెపి పొత్తులో భాగంగా విజయవాడ పశ్చిమ నియోజకవర్గం టిక్కెట్ విషయంలో సందిగ్ధత ఏర్పడింది.

ఇక్కడ సీటు కోసం టిడిపి నుంచి జలీల్ ఖాన్, బుద్ధ వెంకన్నలు తీవ్రంగా పోటీ పడుతుండడంతో, ఈ నియోజకవర్గం పై ఆశలు పెట్టుకున్న జనసేన నేత మహేష్( Jana Sena leader Mahesh ) తీవ్ర ఆందోళన చెందుతున్నారు.