జీవీఎల్ ఝలక్ ఇస్తున్నారే ..? ఆ సీటు కోసం ఉత్తరాది నేతలతో లాబీయింగ్

టీడీపీ, బీజేపీ, జనసేన పొత్తుల వ్యవహారంలో కొత్త ట్విస్ట్ లు చోటు చేసుకుంటూనే ఉన్నాయి.

పొత్తులో భాగంగా సీట్ల కేటాయింపు విషయంలో కొంతమంది నేతలకు అన్యాయం జరగడంపై ఏదో ఒక రూపంలో తమ అసంతృప్తిని వెళ్లగక్కుతూనే వస్తున్నారు.

ఇప్పటికే టిడిపి, జనసేన, బిజెపి పొత్తులో భాగంగా సీట్ల పంపకాలు పూర్తి చేయడంతో పాటు , అన్ని స్థానాల్లోనూ అభ్యర్థులను ప్రకటించారు.అయితే కొన్ని కొన్నిచోట్ల పరిస్థితులను బట్టి మార్పు చేర్పులు చేపడుతున్నారు.

దీంతో ఆ మార్పు చేర్పుల్లో అవకాశం దక్కించుకునేందుకు రకరకాల మార్గాల ద్వారా ఆశావాహులు ప్రయత్నాలు చేస్తూనే ఉన్నారు.ఆ జాబితాలో బిజెపి ఎంపీ, సీనియర్ నేత జివిఎల్ నరసింహారావు( GVL Narasimha Rao ) కూడా చేరిపోయారు.

విశాఖ ఎంపీ స్థానం నుంచి పోటీ చేయాలని జేవిఎల్ ఎప్పటి నుంచో ప్రయత్నాలు చేస్తున్నారు.