గూగుల్ పే యూజర్లకు గుడ్ న్యూస్.. మరో యూపీఐ ఐడీ చేసుకోవచ్చిలా

ప్రస్తుత డిజిటల్ యుగంలో సురక్షితమైన ఆన్‌లైన్ చెల్లింపులు చేసుకోవడం అత్యంత ముఖ్యం.ఇక యూపీఐ పేమెంట్లలో భారతదేశం అగ్రగామిగా ఉంది.

డిజిటల్ చెల్లింపులు, లావాదేవీలు గణనీయమైన పురోగతిని సాధించాయి.డిజిటల్ వాలెట్‌లు త్వరిత, అవాంతరాలు లేని చెల్లింపులు చేయడంలో సహాయపడుతున్నాయి.

కొన్నిసార్లు బిజీ సర్వర్ కారణంగా చెల్లింపులు నిలిచిపోవచ్చు.అయితే స్వల్పకాలంలోనే తిరిగి సేవలు పునరుద్ధరించబడుతున్నాయి.

ఇలా యూపీఐ నెట్‌వర్క్‌లలో సమస్య ఎక్కువగా ఉన్నప్పుడు మల్టిపుల్ యూపీఐ ఐడీలు ఉపయోగపడతాయి.గూగుల్ పేలో వినియోగదారులు తమ బ్యాంక్ ఖాతాలతో గరిష్టంగా నాలుగు యూపీఐ ఐడీలను, ఒకే బ్యాంక్‌తో అనుసంధానించబడిన మల్టిపుల్ యూపీఐ ఐడీలను కలిగి ఉండవచ్చు.

వివిధ బ్యాంకులతో గూగుల్‌ పేలో అదనపు యూపీఐ ఐడీలను కలిగి ఉండటం వలన లావాదేవీలను అవాంతరాలు లేకుండా చేసుకోవచ్చు.ఏదైనా యూపీఐ ఐడీ ద్వారా ఇబ్బంది ఎదురైతే మరో యూపీఐ ఐడీ ద్వారా నగదు లావాదేవీలు సురక్షితంగా, వేగవంతంగా జరుపుకోవచ్చు.

వినియోగదారు ఈ ఐడీలను వారు కోరుకున్న ఏ సమయంలోనైనా తొలగించవచ్చు.గూగుల్‌ పేలో మరో యూపీఐ ఐడీని క్రియేట్ చేసుకోవడం కోసం క్రింది దశలను అనుసరించండి.

మీ ఆండ్రాయిడ్ లేదా ఐఓఎస్ గ్యాడ్జెట్‌లో గూగుల్ పే యాప్‌ని డౌన్‌లోడ్ చేసుకోండి.యాప్‌లో సైన్ ఇన్/లాగిన్ చేయండి.

స్క్రీన్ పై భాగంలో కుడివైపున ఫొటోపై క్లిక్ చేయండి.ఇప్పుడు పేమెంట్ మెథడ్స్ ఎంచుకోండి.

మీరు కొత్త యూపీఐ ఐడీ కోసం ఏ బ్యాంకు అకౌంట్‌ను యాడ్ చేయాలనుకుంటున్నారో దానిని ఎంచుకోండి.ఈ సమయంలో, డ్రాప్-డౌన్ ఎంపిక నుండి మేనేజ్ యూపీఐ ఐడీస్ ఆప్షన్ సెలెక్ట్ చేయండి.

కొత్తదాన్ని సృష్టించడానికి మీరు రూపొందించాలనుకుంటున్న యూపీఐ ఐడీ పక్కన ఉన్న + చిహ్నాన్ని నొక్కండి.చెల్లించడానికి ఖాతాను ఎంచుకోండి ఎంపిక కింద, మీరు చెల్లింపు పద్ధతుల కోసం ఉపయోగించాలనుకుంటున్న UPI IDని ఎంచుకోవచ్చు.