డెమొక్రాటిక్ పార్టీకి గట్టి మద్ధతు.. టిమ్ వాల్జ్‌కు జైకొట్టిన జార్జ్ ఫ్లాయిడ్ సోదరుడు

ఇన్నేళ్లుగా టిమ్ వాల్జ్ నాయకత్వం తనను ఆకట్టుకుందని, జార్జ్ మరణంలో ప్రాసిక్యూషన్‌కు నాయకత్వం వహించడానికి స్టేట్ అటార్నీ జనరల్ కీత్ ఎల్లిసన్‌ను నియమించాలని వాల్జ్ నిర్ణయం తీసుకున్నారని ఫ్లాయిడ్ గుర్తుచేసుకున్నారు.కమలా హారిస్‌కు రన్నింగ్‌మెట్‌గా వాల్జ్‌ ఎంపికయ్యారని తెలుసుకుని తాను ఎంతో సంతోషించానని.ఆయన గురించి తానేమీ చెడుగా చెప్పనని, వాల్జ్‌తో కరచాలనం చేయాలనుకుంటున్నట్లు ఫిలోనిస్ అన్నారు.

ఎన్నికల నేపథ్యంలో ప్రచారంతో పాటు ఆయనకు చేతనైన సాయం చేయడానికి సిద్ధమని ఫ్లాయిడ్ ప్రకటించారు.మిన్నెసోటా(Minnesota ) రాష్ట్రంలోని మిన్నియాపోలిస్ నగరంలో జార్జ్ ఫ్లాయిడ్ (46)ను పోలీసులు అరెస్టు చేస్తుండగా చనిపోయిన సంగతి తెలిసిందే.2020 మే 25న జరిగిన ఈ ఘటన కారణంగా అమెరికాలోని అనేక నగరాలు రగిలిపోయాయి.ఫ్లాయిడ్‌ను అదుపులోకి తీసుకున్న పోలీసులు మెడపై గట్టిగా నొక్కిపట్టడంతో అతను ఊపిరాడక మరణించాడు.

తనకు ఊపిరాడటం లేదని ఫ్లాయిడ్‌ అరుస్తున్నా పట్టించుకోకుండా పోలీసులు క్రూరంగా వ్యవహరించినట్లు వైరల్ అయిన వీడియోలలో ఉంది.ఫ్లాయిడ్ ఆక్సిజన్ అందకే మరణించాడని వైద్యుడు తెలిపారు.వివాదాస్పద పోలీస్ అధికారి డెరెక్ చౌవిన్ మోకాలు అతని మెడపై ఉండటం వల్ల అతను ఊపిరి ఆడక ప్రాణాలు వదిలాడని డాక్టర్ వాంగ్మూలం ఇచ్చారు.దీంతో చౌవిన్‌కు 22.5 ఏళ్ల జైలు శిక్ష విధించింది న్యాయస్థానం.