చెట్లు కిందికి కాకుండా పైకే ఎందుకు పెరుగుతాయో తెలుసా..?

మొక్కలు ఆకాశం వైపు ఎలా పెరుగుతాయి? ఈ డౌట్ చాలామందిలో ఉంటుంది.ఒక విత్తనం వేసినప్పుడు అవి భూమిలోకి వేళ్ళ రూపంలో వెళ్లిపోతాయి.

పైకి మాత్రం చెట్టు రూపంలో బయటకు వస్తాయి.ఏ దారి పైకి, ఏ దారి కిందికి ఉందో మొక్కలకు ఎలా తెలుస్తుంది? ప్రతి దానిని క్రిందికి లాగే గురుత్వాకర్షణ శక్తి( Gravity )ని అధిగమించి అవి పైకి ఎలా వెళ్లగలుగుతాయి? ప్రస్తుతం ఈ ప్రశ్నలకు నెటిజన్లు సోషల్ మీడియాలో సమాధానాలు వెతుకుతున్నారు.వాటికి సమాధానం ఏంటో తెలుసుకుందాం పదండి.

సాధారణంగా మొక్కలు పెరిగేందుకు గ్రావిట్రోపిజం అనే ప్రత్యేక పద్ధతిని ఉపయోగిస్తాయి.అంటే అవి గురుత్వాకర్షణ దిశను పసిగట్టగలవు, తదనుగుణంగా తమ పెరుగుదలను సర్దుబాటు చేయగలవు.

మొక్కల కణాలలో ఆక్సిన్ అనే రసాయనం ఉంటుంది.ఆక్సిన్ కణాలు వేగంగా, పెద్దగా పెరగడానికి సహాయపడుతుంది.