ఆడియన్స్ ను చెడగొట్టింది మేమే.. ఓటీటీలపై దిల్ రాజు కామెంట్స్ వైరల్!

ఇటీవల కాలంలో థియేటర్లలో విడుదల అయ్యే సినిమాలకు పూర్తిస్థాయిలో ఆదరణ తగ్గిపోయిందని చెప్పాలి.

ఇలా ప్రేక్షకులు సినిమా థియేటర్లకు వచ్చి చూసే వారి సంఖ్య రోజురోజుకు తగ్గిపోతుంది అందుకు ఎన్నో కారణాలు ఉన్నాయి.

ఈ కారణాల గురించి ఇప్పటికే ఎంతోమంది నిర్మాతలు చర్చించినప్పటికీ ఎలాంటి ఫలితం లేకుండా పోయింది.ఇక థియేటర్ కి ప్రేక్షకులు దూరం కావడానికి ప్రధాన కారణం సినిమా టికెట్ల రేట్లు ( Ticket Price ) పెంచడమే.

భారీ స్థాయిలో సినిమా టికెట్ల రేట్లు పెంచడంతో ఒక సామాన్య వ్యక్తి తన కుటుంబంతో వెళ్లి సినిమా చూసే పరిస్థితులు ఏర్పడలేదు.ఇక ఈ కారణమే కాకుండా సినిమాలు విడుదలైన అతి త్వరలోనే తిరిగి ఓటీటీ( OTT ) లో కూడా విడుదలవుతున్నాయి.