ఫస్ట్ క్లాస్ టికెట్ కుక్కకిచ్చారు.. ప్రయాణికుడికి ఫ్యూజులు ఎగిరిపోయాయి!

యూఎస్‌కు చెందిన డెల్టా ఎయిర్‌లైన్స్‌లో( Delta Airlines ) ఓ ప్రయాణికుడికి ఊహించని షాక్ తగిలింది.

ఫస్ట్ క్లాస్ టికెట్( First Class Ticket ) దొరికిందని సంబరపడ్డాడు కానీ, ఆ ఆనందం కాసేపే నిలిచింది.

విమానం ఎక్కాక, అతన్ని ఫస్ట్ క్లాస్ సీటు నుంచి దించేశారు.ఎవరి కోసమో కాదు, ఒక కుక్క( Dog ) కోసం! ఈ విచిత్రమైన ఘటనతో విసిగిపోయిన ఆ ప్రయాణికుడు తన అనుభవాన్ని రెడిట్‌లో పంచుకున్నాడు.

వైరల్ అయిన ఆ పోస్ట్‌లో, డెల్టా ఫ్లైట్‌లో తనకు ఫస్ట్ క్లాస్ సీటుకి అప్‌గ్రేడ్ వచ్చిందని, ఆ ఆనందం 15 నిమిషాల్లోనే ఆవిరైపోయిందని వాపోయాడు.తన ఒరిజినల్ సీటు కన్నా దారుణమైన ఎకానమీ సీటుకి మార్చేశారని తెలిపాడు.

కారణం అడిగితే డెస్క్ ఏజెంట్ నిర్లక్ష్యంగా "ఏదో మార్పు జరిగింది" అని చెప్పారట.అసలు విషయం విమానంలోకి వెళ్ళాకే తెలిసింది.

తను కూర్చోవాల్సిన ఫస్ట్ క్లాస్ సీటులో ఒక కుక్క హాయిగా కూర్చొని ఉంది.షాక్ అయిన ఆ ప్రయాణికుడు ఆ కుక్క ఫోటో తీసి సోషల్ మీడియాలో పోస్ట్ చేశాడు.

"ఫస్ట్ క్లాస్‌కి అప్‌గ్రేడ్ వచ్చింది అనుకున్నా, కానీ ఒక కుక్క కోసం నన్ను దించేశారు.ఇప్పుడు చాలా కోపంగా ఉంది," అని తన ఆవేదనను వ్యక్తం చేశాడు.

ఈ ఘటన ఇప్పుడు సోషల్ మీడియాలో హాట్ టాపిక్‌గా మారింది.