తక్కువ కులం అని సహకరించని గ్రామస్తులు...దీంతో తల్లిశవాన్ని సైకిల్ పై..! కన్నీరు తెప్పించే సంఘటన!

ఒడిశాలోని కర్పాబహాల్‌ మానికి చెందిన జాంకి సిన్హానియా(45), తన కుమారుడు సరోజ్‌(17)తో కలిసి నివాసం ఉంటుంది.ఆమె భర్త గత కొద్ది రోజుల క్రితమే అనారోగ్యంతో మృతి చెందాడు.దీంతో ఆమె కూలీ పని చేసుకుంటూ జీవనాన్ని కొనసాగిస్తున్నారు.

ఇటీవల మంచి నీళ్ల కోసం బావి వద్దకు వెళ్లి అదుపు తప్పి అందులో పడి మృతి చెందారు.తల్లి శవాన్ని ఇంటికి తీసుకొచ్చి కర్మకాండలు చేద్దామని ఊరివాళ్ళను సహాయం అడిగాడు సరోజ్.

కానీ ఒక్కరు కూడా ముందుకు రాలేదు.కారణం వాళ్లు తక్కువ కులం వాళ్లని.

సరోజ్ అందరినీ బతిమాలాడు కానీ ఏ ఒక్కరు కూడా కనికరించలేదు.తక్కువ కులంవాళ్లను ముట్టుకుంటే తమకు పాపం చుట్టుకుంటుందని వెర్రిగా ఆలోచించారు ఆ గ్రామస్థులు.