కన్ఫ్యూజన్ లో కమ్యూనిస్టులు..4 సీట్లకే పరిమితమా..?

ఈ తరుణంలోనే అధిష్టానం కూడా కాస్త ఆలోచించి చెరో రెండు సీట్లు ఇస్తామని చెప్పినట్టు తెలుస్తోంది.మరి వీరికి ఎక్కడెక్కడ ఈ సీట్స్ ఇస్తారు అనేది ఫైనల్ కాలేదు.అక్టోబర్ 15వ తేదీన కాంగ్రెస్ తొలి జాబితా వెలువడనున్న నేపథ్యంలో సిపిఐ, సిపిఎం స్థానాలపై కనీసం చర్చ కూడా చేయలేదట.

అయితే ఏఐసీసీ చీఫ్ మల్లికార్జున కార్గే ( Mallikharjuna Karge ) గారి అధ్యక్షతన జరిగే పార్టీ సెంట్రల్ ఎలక్షన్ కమిటీ మీటింగ్ లో లెఫ్ట్ పార్టీలకు ఎన్ని టికెట్లు ఇవ్వాలి, ఏ ఏ స్థానాలను కేటాయించాలనేది మొదటి జాబితా వెలువడిన తర్వాత బయటకు వచ్చే అవకాశం ఉంది.అయితే సిపిఐకి కొత్తగూడెం( Kothagudem ) , మునుగోడు, సిపిఎంకు భద్రాచలం, మిర్యాలగూడ ఇచ్చే అవకాశం కనిపిస్తున్నట్టు తెలుస్తోంది.

ఇందులో సిట్టింగ్ స్థానంలో ఉన్న భద్రాచలాన్ని అసలు వదులుకోవద్దని రాష్ట్ర కాంగ్రెస్ నేతలు స్క్రీనింగ్ కమిటీకి వెల్లడించినట్టు సమాచారం.దీంతో లెఫ్ట్ పార్టీల నేతలు కాంగ్రెస్ తో చర్చలు జరుపుతున్నారు తప్ప ఎక్కడ సీట్లు ఖరారు అవడం లేదు.

అటు బిఆర్ఎస్ ( BRS ) వెళ్లగొట్టడంతో, ఇటు కాంగ్రెస్ నాలుగే సీట్లు తీసుకోవాలనడంతో , అటు పోలేక, ఇటు రాలేక లెఫ్ట్ ఫార్టీ నేతలు కన్ఫ్యూజన్ లో ఉన్నట్టు తెలుస్తోంది.