2019 వార్‌... బాబుకు చెమ‌ట‌లు స్టార్ట్‌

క్ష‌ణ‌క్ష‌ణ‌ముల్ ప్ర‌జ‌ల చిత్త‌ముల ప్ర‌కార‌మే రాజ‌కీయాలు, రాజ‌కీయ నాయ‌కుల భ‌విష్య‌తు తిర‌గ‌బ‌డుతూ ఉంటుంద‌న డంలో సందేహం లేదు.తాజాగా ఏపీ విష‌యానికి వ‌స్తే.

మ‌రో ప‌దిమాసాల్లో ఇక్క‌డ ఎన్నిక‌లు ఉన్నాయి.ప్ర‌స్తుత అధికార పార్టీ టీడీపీ.

మ‌ళ్లీ అధికారంలోకి రావాల‌ని సీఎం చంద్ర‌బాబు ఎన్నో ఆశ‌లు పెట్టుకున్నారు.ప్ర‌జ‌ల‌ను ఆదిశ‌గా కూడా స‌మాయ‌త్తం చేస్తున్నారు.

అయితే, ఆయ‌న‌కు అనుకూలంగా ప్ర‌జ‌లు ఉన్నారా? మ‌ళ్లీ ఎన్నిక‌ల్లో ఆయ‌న‌కు ఓట్లేస్తారా? తిరిగి బాబునే సీఎంను చేస్తారా? అనే ప్ర‌శ్న‌లు రాష్ట్రంలో హ‌ల్‌చ‌ల్ చేస్తున్నాయి.తాజాగా ఈ విష‌యంపైనే ఓ మీడియా సంస్థ స‌ర్వే చేసిన‌ట్టు వార్త‌లు వ‌స్తున్నాయి.

జాతీయ స్థాయిలో పేరెన్నిక గల ఆ సంస్థ చేసిన అధ్యయనంలో చంద్రబాబుకు షాకింగ్ లాంటి ఫలితాలు వచ్చాయి.ఇప్పటికిప్పుడు ఎన్నికలు జరిగితే మీరు ఎవరికి ఓటేస్తారు? అని ఆ సంస్థ అడిగిన ప్రశ్నకు 42 శాతం మంది జగన్ అని సమాధానం ఇచ్చార‌ని తెలుస్తోది.చంద్రబాబుకు ఓటేస్తామన్నది 30 శాతం మందే.

పవన్ కల్యాణ్ వాటా 19గా ఉంది.చంద్రబాబు అనుభవం ఏపీ డెవలప్‌మెంట్‌కు ఉపయోగిపడిందా? అనే ప్రశ్నకు 59 శాతం మంది నో అని చెప్పారు.ప్రభుత్వ వ్యవహారాల్లో లోకేష్ జోక్యం పెరుగుతోందా? అనే ప్రశ్నకు 67 శాతం ఔను అన్నారు.హోదా సాధనలో బాబు ఫెయిలయ్యాడా? అంటే, 76 శాతం మంది ఏకగ్రీవంగా ఔను అన్నారు.హోదా విషయంలో చంద్రబాబు మాట మార్పులతో ఆయనను ప్రజలు విశ్వసించడం లేదని ఈస‌ర్వే చెబుతోంది.

చంద్రబాబు పాలనలో అవినీతి పెరిగిందా? అనే ప్రశ్నకు 60 శాతం మంది ఔనన్నారు.బాబు పాలన ఏమాత్రం బాగోలేదని 57 శాతం మంది తేల్చి చెప్పారు.

మొత్తంగా ఈఫ‌లితాలు.బాబుకు మ‌రింత టెన్ష‌న్ పెంచేలా ఉన్నాయ‌ని స‌మాచారం.

ఈ సంద‌ర్భంలోనే మ‌రో మాట కూడా చెప్పుకోవాలి.ఇటీవ‌ల అమ‌రావ‌తికి వ‌చ్చిన ఆంధ్రా ఆక్టోప‌స్‌.

మాజీ ఎంపీ ల‌గ‌డ‌పాటి రాజ‌గోపాల్ సైతం.చంద్ర‌బాబు మ‌ళ్లీ గెలుస్తాడా? అన్న మీడియా ప్ర‌శ్న‌కు ``వేచి చూడాలి`` అని స‌మాధానం చెప్ప‌డం గ‌మ‌నార్హం.