ఉప్పెన దర్శకుడు వెయిట్‌ చేయాల్సిందేనా.. చరణ్‌ నిర్ణయంపై సస్పెన్స్‌

ఆ మధ్య ఆగస్టు నెలలోనే రామ్ చరణ్ హీరో గా బుచ్చి బాబు దర్శకత్వం లో సినిమా ప్రారంభం అయ్యే అవకాశం ఉంది అంటూ వార్తలు వచ్చాయి.కానీ రామ్ చరణ్ ప్రస్తుతం అమెరికాలో ఆస్కార్ అవార్డు వేడుక కోసం ఉన్నాడు, ఈ నెల చివరి వరకు కూడా రామ్‌ చరణ్ ఇండియాకి వచ్చే పరిస్థితి లేదు.కనుక శంకర్ దర్శకత్వం లో సినిమా చాలా ఆలస్యం అయ్యే అవకాశం ఉందని ప్రచారం జరుగుతోంది.

శంకర్ దర్శకత్వంలో సినిమా ఆలస్యం అయితే దర్శకుడు బుచ్చి బాబు కూడా మరిన్ని నెలలు వెయిట్ చేయాల్సిన పరిస్థితి రావచ్చు.రామ్ చరణ్ మరియు బుచ్చిబాబు కాంబినేషన్ లో సినిమా ఈ సంవత్సరం లో ప్రారంభం అవుతుందా లేదా అనేది అనుమానంగా మారింది.

వీరిద్దరి కాంబినేషన్ లో సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు.రామ్ చరణ్ ని బుచ్చిబాబు ఎలా చూపించబోతున్నాడు అనేది అందరిలో ఆసక్తిని రేకెత్తిస్తోంది.

రంగస్థలం సినిమా తరహా లో రామ్ చరణ్ తో ఒక పల్లెటూరి నేపథ్యమున్న సినిమా ను బుచ్చి బాబు రూపొందించబోతున్నట్లుగా తెలుస్తోంది.