Penguin Ring Bearer : యూకే కపుల్ మ్యారేజ్: వధూవరుల వెడ్డింగ్ రింగ్స్‌ను పెంగ్విన్ తీసుకొచ్చింది..!

కొంతమంది వధూవరులు వెడ్డింగ్( Wedding ) వేడుకలలో తమ పెంపుడు జంతువులు తప్పనిసరిగా ఉండేలా చూసుకుంటారు.

ముఖ్యంగా కుక్కలు, పిల్లులను వేడుకలలో ప్రత్యేక అతిథులుగా కొందరు ట్రీట్ చేస్తారు.

కుక్కలు లేదా పిల్లులతో ఫోటోలు కూడా దిగుతారు.లేదంటే పెళ్లి మండపంలోకి వెళ్లే మార్గంలో వాటితో కలిసి నడుస్తారు.

అయితే యూకేకి( UK ) చెందిన ఒక జంట చాలా భిన్నంగా చేసింది.వారు తమ రింగ్ బేరర్‌గా పెంగ్విన్‌ను( Penguin ) తీసుకొచ్చుకున్నారు.

రింగ్ బేరర్( Ring Bearer ) అంటే వివాహ వేడుకలో వధూవరులకు పెళ్లి ఉంగరాలు తెచ్చి ఇచ్చే వారు.సాధారణంగా, ఓ పిల్లవాడు లేదా దగ్గరి బంధువు ఈ వెడ్డింగ్ రింగ్స్ తెచ్చి వధూవరులకు ఇస్తుంటారు.

అయితే యూకే జంట ఓ పెంగ్విన్‌కు ఆ పని అప్పగించి అతిథులను ఆశ్చర్యపర్చాలని కోరుకున్నారు.వారు ఒక ప్రైవేట్ జూ నుంచి ప్రింగిల్ అనే పెంగ్విన్‌ను అద్దెకు తీసుకున్నారు.

ప్రింగిల్ అనేది హంబోల్ట్ పెంగ్విన్, ఇది దక్షిణ అమెరికాలో నివసించే ఒక రకమైన పెంగ్విన్.